டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தெய்வத்திருமகள் படத்தில் டைரக்டர் விஜய்யின் இயக்கத்தில் நடித்த அமலாபால், தற்போது அதே இயக்குனரின் தலைவா படத்திலும் விஜய்க்கு ஜோடியாக நடித்து வருகிறார். ஏற்கனவே டைரக்டர் விஜய்யுடன் காதல் கிசுகிசுவில் சிக்கியிருப்பதால், இப்போது அவர்களைப்பற்றிய செய்தி கோலிவுட் வட்டாரங்களில் இன்னும் அனல் பறந்து கொண்டிருக்கிறது. அதிலும் தலைவா படப்பிடிப்பில் மதிய வேளைகளில் சரியாக ஒரு மணிக்கு அமலாபால் சாப்பிடவில்லை என்றால் டைரக்டர் விஜய் துடித்துப்போகிறாராம். என்னாச்சு ஏதாச்சு என்று விசாரிப்பவர், அவருக்கு உடனடியாக உணவு உபசரிப்பு நடத்த சம்பந்தப்பட்டவர்களை விரட்டுகிறாராம். அந்த அளவுக்கு அவர்களின் நெருக்கம் இப்போது இன்னும் அதிகரித்திருக்கிறதாக தகவல்.
ஆனால் இந்த சூழ்நிலையால் தங்களது காதல் கிசுகிசு இன்னும் பெரிய அளவில் புகைந்து விடக்கூடாது என்று நினைத்த அமலாபால், தற்போது யாராவது காதல் செய்தியை கிண்டினால், காதல் என்றாலே தனக்கு என்னவென்று தெரியாதது போல் அப்பாவியாய் பார்க்கிறார். அதோடு, நான் ரொம்ப சின்ன பொண்ணு. எனக்கு இன்னும் காதலிக்கிற வயசே வரவில்லை என்றும் பச்சக்குழந்தைபோல் கூறி வருகிறார். ஆனால், அம்மணியின் இந்த ஸ்டேட்மென்டை கேட்டு, கோலிவுட் வட்டாரங்களில் விழுந்து விழுந்து சிரிக்கிறார்கள்.