‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
கமல்ஹாசனின் வாரிசு என்ற பெரிய அடையாளத்துடன் சினிமாவில் அடியெடுத்து வைத்தவர் நடிகை ஸ்ருதிஹாசன். சினிமாவில் பாடகராக அறிமுகமான ஸ்ருதிஹாசன் லக் என்ற இந்தி படத்தின் மூலம் ஹீரோயினாக அவதரித்தார். முதல்படமே லக் என்பதால் சினிமாவில் பெரிய லக் இருக்கும் என்று எதிர்பார்த்தார், ஆனால் முதல்படமே தோல்வி படமாக அமைந்தது. அதன்பிறகு தெலுங்கில் ஒரு படத்தில் நடித்தார் அதுவும் சரியாக போகவில்லை. தமிழில் 7ம் அறிவு படத்தின் மூலம் அறிமுகமான ஸ்ருதி, 3 படத்தின் மூலம் பிரபலமானார். தொடர்ந்து தெலுங்கில் அவர் நடித்த கபார் சிங் சூப்பர் ஹிட்டாக தெலுங்கில் பிரபலமாகிவிட்டார். தற்போது இரண்டு தெலுங்கு படத்திலும், இரண்டு இந்தி படத்திலும் நடித்து வருகிறார். இதுதவிர இன்னும் சில படங்களில் நடிக்க பேச்சுவார்த்தை நடந்து வருகிறது.
இந்நிலையில் தனது 27வது பிறந்தநாளை ஸ்ருதி இன்று கொண்டாடுகிறார். பிறந்தநாளையொட்டி அவர் அளித்துள்ள பேட்டியில், ரசிகர்களுக்கு ஏற்றவாறு, அவர்கள் திருப்தி அடையும் விதத்தில் எனது கேரக்டரை தேர்வு செய்து நடித்து வருகிறேன். தற்போது கைவசம் ஐந்து படங்கள் உள்ளன, ஓய்வின்றி நடித்து வருகிறேன். ஒவ்வொரு படத்தில் நடிக்கும்போது புதிய விஷயங்கள் நிறைய கற்றுக்கொள்கிறேன் என்றார். மேலும் வாய்ப்பு கிடைக்கும் போது இசையமைப்பேன் என்று கூறியுள்ளார்.