ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
அஜித், ஹுமா குரேஷி, கார்த்திகேயா மற்றும் பலர் நடிக்க வினோத் இயக்கத்தில் கடந்த வாரம் வெளிவந்த படம் 'வலிமை'. கொரோனா மூன்றாவது அலைக்குப் பிறகு கடந்த இரண்டு மாதங்களாக தியேட்டர்களில் வெளிவந்த படங்கள் சுமாரான வசூலைக் கூடத் தரவில்லை.
அஜித் நடித்த 'வலிமை' படம் வந்தால்தான் தியேட்டர்களுக்கு மீண்டும் மக்களை வரவழைக்க முடியும் என்ற எதிர்பார்ப்பில் தியேட்டர்காரர்கள் இருந்தனர். பொங்கலுக்கே வெளிவர வேண்டிய படம் கொரோனா பாதிப்பால் கடந்த வாரம் பிப்ரவரி 24ம் தேதி வெளியானது.
படம் பற்றி இரு வேறான விமர்சனங்கள் இருந்தாலும் அனைத்து விமர்சனங்களையும் மீறி தியேட்டர்களுக்கு எதிர்பார்க்கப்பட்டபடியே மக்கள் வந்தனர். முதல் நாளிலேயே இப்படம் தமிழகத்தில் 30 கோடிக்கும் மேல் வசூலித்ததாகத் தகவல் வெளியானது. இப்போது மூன்றே நாட்களில் 100 கோடி வசூலை அள்ளியதாகத் தகவல் வெளியாகி இருக்கிறது.
படத்தின் தயாரிப்பாளரான போனி கபூர் இதை அதிகாரப்பூர்வமாக அறிவிக்கவில்லை என்றாலும், 100 கோடி வசூல் என்பதை அவர் ரீடுவீட் செய்துள்ளார். நேற்று நான்காவது நாளான ஞாயிறன்றும் பெரும்பாலான தியேட்டர்கள் ஹவுஸ்புல்லாகவே இருந்தன என்றும் கோலிவுட்டில் தெரிவிக்கிறார்கள். படம் நிச்சயம் 100 கோடி வசூலைக் கடந்திருக்கும் என்பதுதான் திரையுலகினரின் தகவலாகவும் இருக்கிறது. இதை அதிகாரப்பூர்வ அறிவிப்பாக தயாரிப்பாளர் போனிக பூர் வெளியிடுவார் என அஜித் ரசிகர்கள் காத்திருக்கிறார்கள்.