டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழில் 'மின்னலே' படத்தின் மூலம் இசையமைப்பாளராக அறிமுகமானவர் ஹாரிஸ் ஜெயராஜ். தொடர்ந்து பல படங்களுக்கு இசையமைத்து, பல சூப்பர் ஹிட் பாடல்களைக் கொடுத்தவர். கடந்த சில வருடங்களாக அவருக்கு சரியான படங்கள் அமையவில்லை.
கடைசியாக கே.வி.ஆனந்த் இயக்கத்தில் சூர்யா நடித்த 'காப்பான்' படத்திற்கு இசையமைத்திருந்தார். கடந்த இரண்டு வருடங்களாக ஹாரிஸ் இசையில் ஒரு தமிழ்ப் படம் கூட வரவில்லை.
தெலுங்கிலும் சில நேரடிப் படங்களுக்கு இசையமைத்துள்ளார் ஹாரிஸ். அவர் இசையமைத்த பல தமிழ்ப் படங்கள் தெலுங்கில் டப்பிங் செய்யப்பட்டுள்ளதால் அங்கும் அவருக்கு ரசிகர்கள் இருக்கிறார்கள். தமிழ், தெலுங்கில் உருவாகி 2017ல் வெளிவந்த 'ஸ்பைடர்' படத்திற்குப் பிறகு மீண்டும் தெலுங்கில் ஒரு படத்திற்கு இசையமைக்க உள்ளார்.
நேற்று தெலுங்கு ரசிகர்களுக்கு ஹாரிஸ் பொங்கல் வாழ்த்து தெரிவித்திருந்தார். அப்போது ஒரு ரசிகர், மீண்டும் எப்போது தெலுங்கில் இசையமைப்பீர்கள் என்று கேட்டிருந்தார். அதற்கு பதிலளித்த ஹாரிஸ், நிதின் நடிக்கும் படத்தில் பணியாற்றி வருகிறேன், இந்த வருடம் சந்திப்போம் என்று தெரிவித்திருந்தார். “எங்களது படத்திற்கு உங்களது மேஜிக்கை அனுபவிக்கக் காத்திருக்க முடியவில்லை,” என ஹாரிஸைப் பாராட்டி பதிவிட்டுள்ளார் நடிகர் நிதின். தமிழிலும் இந்த வருடம் ஹாரிஸ் படங்களை எதிர்பார்க்கலாம் என்கிறது கோலிவுட் வட்டாரம்.