பிந்து மாதவிக்கு விஜய் பாராட்டு!

நடிகை பிந்து மாதவி, நடிகர் விஜயின் தீவிர ரசிகையாம். சமீபத்தில் திரைக்கு வந்துள்ள, "சட்டம் ஒரு இருட்டறை படத்தின் இயக்குனர், சினேகா பிரிட்டோ, நடிகர் விஜயின் உறவினர். இந்த படத்துக்கான, பாடல் காட்சி, படமாக்கப்பட்டபோது, திடீரென, ஷூட்டிங் பார்ப்பதற்காக, விஜய் அங்கு வந்து விட்டார். அந்த பாடல் காட்சிக்காக டான்ஸ் ஆடிக் கொண்டிருந்த பிந்து மாதவிக்கு, விஜயை பார்த்ததும், கையும், ஓடவில்லை; காலும் ஓடவில்லை. "விஜய், கிளம்பிச் சென்ற பின், டான்ஸ் ஆடுகிறேனே... ப்ளீஸ் என, இயக்குனரிடம் கெஞ்ச ஆரம்பித்து விட்டாராம். ஆனால், விஜயோ, "அந்த பேச்சுக்கே இடமில்லை. நீங்கள் டான்ஸ் ஆடினால் தான், இங்கிருந்து கிளம்புவேன் என, கண்டிப்பாக கூறி விட்டாராம். வேறு வழியில்லாமல், சமாளித்துக்கொண்டு, அந்த பாடல் காட்சியில், டான்ஸ் ஆடி முடித்தார், பிந்து மாதவி. "நன்றாக டான்ஸ் ஆடுகிறீர்கள். உங்களுக்கு, நல்ல எதிர்காலம் உள்ளது என, பாராட்டி விட்டுச் சென்ற பின் தான், பிந்து மாதவிக்கு, மூச்சே வந்ததாம்.