பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
கஜினி இந்தி ரீமேக் படத்தின் மூலம் பாலிவுட்டுக்கு சென்ற அசின், அப்படத்தின் வெற்றி காரணமாக அங்கு நிலையான நடிகையானார். அங்கு கிடைத்த பெரிய வரவேற்பு, பெரிய படக்கூலி எல்லாம் சேர்ந்து அவரை முழுநேர இந்தி நடிகையாக வைத்தது. அதனால் அடுத்தடுத்து தமிழில் இருந்து சென்ற மெகா பட வாய்ப்புகளைகூட துச்சமாக மதித்து ஓரங்கட்டினார் அசின். இதனால் அதன்பிறகு யாரும் அசினை சீண்டவில்லை. இந்நிலையில், அசின் பெரிதாக நம்பிக்கொண்டிருந்த பாலிவுட் இயக்குனர்கள், அங்குள்ள குத்தாட்ட நடிகைகள் போன்று அசினையும் கடுமையாக தோலுரிக்கத் தொடங்கி விட்டார்களாம்.
இதனால் அதிர்ச்சியடைந்த அவர், என்னிடம் நிறைய திறமை உள்ளது. என் திறமையை பயன்படுத்துங்கள் என்று மன்றாடியும் அவர்கள் கேட்பதாக இல்லையாம். சாதமும் வேண்டும, சாம்பாரும் வேண்டும் என்பதுபோல், நடிப்பும் வேண்டும், கவர்ச்சியும் வேண்டும் என்று சொல்லி பாடல் காட்சிகளில் துக்கடா நடிகையாக்கி வருகிறார்களாம். அதனால் இதேவேகத்தில் போனால் இன்னும் ஓரிரு படங்களோடு இத்தனை நாளும் கட்டிக்காத்த மானம் மரியாதை எல்லாத்தையும் காற்றில் பறக்க விட்டுவிடுவார்கள் போலிருக்கே என்று மண்டை காய்ந்து போயிருக்கிறார் அசின், அதோடு, இருக்கிற கொஞ்சநஞ்ச மரியாதையையும் காத்துக்கொள்ளும் பொருட்டு, மீண்டும் கோலிவுட் சினிமா பக்கம் ஓடி வந்திருக்கிறார் அசின். தனது ஆஸ்தான இயக்குனர்கள், ஹீரோக்களுடன் அவசர மீட்டிங் போட்டு, சான்ஸ் கேட்டு வருகிறார் நடிகை.