இளையராஜாவுக்கு சங்கீத நாடக அகாடமி விருது!!

கலைதுறையில் உள்ளவர்களை கவுரவிக்கும் வகையில் ஒவ்வொரு ஆண்டும் சங்கீத நாடக அகாடமி விருது வழங்கி கவுரவிக்கப்படுகிறது. அதன்படி 2012ம் ஆண்டுக்கான சங்கீத நாடக அகாடமி விருதுக்கு இசைஞானி இளையராஜா தேர்வாகி இருக்கிறார். அவருக்கு சங்கீத நாடக அகாடமி விருதுடன் தாமிரபட்டயமும், ரூ.1 லட்சம் ரொக்க பரிசும் வழங்கப்பட இருக்கிறது. இளையராஜாவுடன் சேர்ந்து வயலின் வித்வான் என்.ராஜம், இந்துஸ்தானி இசை கலைஞர் டி.ஹெச்.விநாயகராம், நடன கலைஞர்கள் ப்ரியதர்சினி கோவிந்த்(நாட்டியம்), விஜய் சங்கர்(கதக்), சர்மிளா பிஸ்வாஸ்(ஒடிசி) உள்ளிட்ட இசை மற்றும் நடனம் உள்ளிட்ட துறைகளில் உள்ள 36பேரும் இந்த விருதுக்கு தேர்வாகியுள்ளனர்.

ஏற்கனவே நான்கு முறை தேசிய விருது, பத்மபூசன் விருது உள்ளிட்ட பல்வேறு விருதுகளை பெற்று இருக்கும் இளையராஜாவின் வெற்றி மணிமகுடத்திற்கு மற்றொரு மாணிக்க கல்லாக இந்த சங்கீத நாடக அகாடமி விருது ஜொலிக்கும் என்பதில் ஐயமில்லை.