'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
தெலுங்குத் திரையுலகின் பெரும் நட்சத்திரமான சிரஞ்சீவி நடிக்கும் 'சைரா' படத்தின் டீசர் நாளை ஆகஸ்ட் 21ல் வெளியாக உள்ளது. 'பாகுபலி' திரைப்படங்களுக்குப் பிறகு அதிக எதிர்பார்ப்பை ஏற்படுத்தியிருக்கும் படம் இதுதான்.
தென்னிந்தியத் திரைப்படங்களில் இதுவரை நடிக்காத அமிதாப் பச்சன் முதல் முறையாக இந்தப் படத்தின் மூலம் தென்னிந்தியத் திரையுலகில் நடிக்கிறார். கன்னட நடிகர் சுதீப், தமிழ் நடிகர் விஜய் சேதுபதி, நயன்தாரா, தமன்னா, ஹுமா குரேஷி என பல பெரிய பிரபலங்கள் இந்தப் படத்தில் நடிக்கிறார்கள்.
ஆகஸ்ட் 22ம் தேதி சிரஞ்சீவியின் பிறந்த நாள் வருவதால், அதற்கு ஒரு நாள் முன்னதாகவே இப்படத்தின் டீசரை நாளை வெளியிட உள்ளார்கள். சிரஞ்சீவி ரசிகர்கள் மட்டுமல்லாது, தெலுங்குத் திரையுலகினரும், ரசிகர்களும் இப்படத்தின் டீசருக்காக ஆவலுடன் காத்திருக்கிறார்கள்.
கடந்த ஆண்டு சிரஞ்சீவி பிறந்தநாளன்று இப்படத்தின் அதிகாரப்பூர்வ அறிவிப்பும், மோஷன் போஸ்டரும் வெளியிடப்பட்டது. படத்திற்கு இசையமைக்க ஒப்பந்தமான ஏ.ஆர்.ரகுமான் பின்னர் படத்திலிருந்து விலகியது படத்திற்குப் பின்னடைவாகக் கருதப்பட்டது. இருப்பினும், ஹிந்தித் திரையுலகின் முன்னணி இசையமைப்பாளரான அமித் திரிவேதி இப்படத்தின் இசையமைப்பாளராக ஒப்பந்தம் செய்யப்பட்டார்.