மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
கேரள மாநிலம் தொடுபுழாவில் உள்ள கல்லூரி ஒன்றில் படித்து வரும் மாணவி ஹனன். இவரது தந்தை மது பழக்கத்தால் குடும்பத்தை கைவிட்டவர், தாய் மனநிலை சரியில்லாதவர். இதனால் ஹனன் தான் படிப்பதற்கும், தன் சகோதர, சகோதரிகள் படிப்பதற்கும், குடும்பத்தை காப்பாற்றவும் கல்லூரி நேரம்போக மீதி நேரங்களில் மீன் வியாபாரம் செய்து வந்தார். இது கேரள பத்திரிகைகளில் செய்தியாக வெளிவந்தது. அவர் மீன் விற்கும் வீடியோ வைரலாக பரவியது.
ஹனனை பாராட்டியும், அவர் விளம்பரத்திற்காக இப்படி செய்கிறார் என்றும் இருதரப்பு வாதங்கள் இணைய தளங்களில் வெளியானது. ஆனால் கேரள அரசு ஹனன் பக்கம் நின்று அவருக்கு தேவையான உதவிகளை செய்ய முன்வந்தது. இதனால் ஹனன் இன்னும் பிரபலம் ஆனார். இப்போது அவருக்கு சினிமா வாய்ப்பும் தேடி வந்திருக்கிறது.
மலையாள சூப்பர் ஸ்டார் மோகன்லால் மகன் பிரணவ் நடிக்கும் படத்தில் ஹனன் முக்கிய கேரக்டரில் நடிக்க இருக்கிறார். இதனை படத்தின் இயக்குனர் அருண் கோபி அறிவித்துள்ளார். "ஹனனுக்கு எதிரான விமர்சனங்கள் அவரை அடித்துக் கொல்வதற்கு சமமானது. அவருக்கு பொருளாதார ரீதியாக உதவும் வகையிலேயே அவரை என் படத்தில் நடிக்க வைக்கிறேன். தொடர்ந்து நடிப்பது பற்றியும், படிப்பது பற்றியும் அவரே முடிவு செய்வார்" என்கிறார் இயக்குனர் அருண் கோபி.