Dinamalar

படத்தின் ரிலீஸ் தேதி என் கையில் இல்லை : பிருத்விராஜ்

சமீபத்தில் மலையாளத்தில் பிருத்விராஜ் நடிப்பில் மை ஸ்டோரி மற்றும் கூடே என இரண்டு படங்கள் ஒரு வார இடைவெளியில் அடுத்தடுத்து வெளியாகின.. இதில் இரண்டாவதாக வெளியான கூடே படம் ஓரளவு வரவேற்பை பெற்று ஓடிக்கொண்டு இருக்கிறது.

இந்தப்படத்தை பெங்களூர் டேய்ஸ் புகழ் அஞ்சலி மேனன் இயக்கியுள்ளார். அதே சமயம் ரோஷினி தினகர் என்பவர் இயக்கிய மை ஸ்டோரி படமோ ஒரு வாரமே முடிந்த நிலையில் பெரும்பாலான தியேட்டர்களில் இருந்து தூக்கப்பட்டுள்ளது. இதுகுறித்து நடிகர் பிருத்விராஜ் தனது ஆதங்கத்தை வெளிப்படுத்தியுள்ளார்.

"இந்த இரண்டு படங்களிலும் பார்வதி தான் கதாநாயகியாக நடித்துள்ளார். இரண்டையுமே பெண் இயக்குனர்கள் தான் இயக்கியுள்ளனர். இந்த ஒற்றுமை நிச்சயம் ஏதோ ஒரு படத்தை பாதிக்கவே செய்யும். அதனால் மை ஸ்டோரி படத்தை கொஞ்ச நாள் தள்ளி ரிலீஸ் செய்யலாம் என படத்தின் இயக்குனரும், தயாரிப்பாளருமான ரோஷினியிடம் கூறினேன். ஆனால் அவரோ, தான் ஏற்கனவே முடிவு செய்த தேதியில் தான் படத்தை ரிலீஸ் செய்வேன் என பிடிவாதமாக இருந்தார். என்ன செய்வது, படத்தின் ரிலீஸ் தேதியை முடிவு செய்வது என் கையில் இல்லையே" என கூறியுள்ளார் பிருத்விராஜ்.

மலையாள சினிமாவை பொறுத்தவரை அங்குள்ள முன்னணி நடிகர்கள் கூட தங்கள் படத்தின் ரிலீஸ் தேதியில் தலையிட முடியாது. இப்போதும் தயாரிப்பாளர்கள் மற்றும் விநியோகஸ்தர்கள் வசம் தான் ரிலீஸ் தேதி முடிவெடுக்கும் பொறுப்பு இருக்கிறது என்பது குறிப்பிடத்தக்கது..

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...
• 
  பழம்பெரும் மலையாள இசை அமைப்பாளர் கே.ஜி.ஜெயன் காலமானார்