டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
நடிகை சாவித்ரியின் வாழ்க்கை வரலாற்றுப் படமான 'மகாநதி' படம் பெரும் வரவேற்பைப் பெற்று நல்ல வசூலையும் தந்து கொண்டிருக்கிறது. இப்படம் வெளிவருவதற்கு முன்பாகவே தன்னுடைய தந்தை என்டிஆர் வாழ்க்கை வரலாற்றுப் படத்தை ஆரம்பித்தார் பாலகிருஷ்ணா.
அப்படத்தை தேஜா இயக்க பிரம்மாண்டமான துவக்க விழாவுடன் ஆரம்பமானது. ஆனால், படம் ஆரம்பித்த சில நாட்களுக்குள் இயக்குனர் தேஜாவுக்கும், பாலகிருஷ்ணாவுக்கும் இடையே மோதல் ஏற்பட்டது. அதனால், தேஜா படத்திலிருந்து விலகினார். பின்னர் படத்தை பாலகிருஷ்ணாவே இயக்குவதாக தகவல் வெளியானது.
இருப்பினும் 'மகாநதி' படம் வெளிவந்த பின் பாலகிருஷ்ணா அவருடைய எண்ணத்தை மாற்றிக் கொண்டார் என்று சொல்லப்படுகிறது. 'மகாநதி' படம் போன்று தரமான ஒரு படமாக என்டிஆர் படம் உருவாக வேண்டுமென்றால் அந்தப் படத்தை தான் இயக்குவதை விட சிறந்த ஒரு இயக்குனர் இயக்கினால் தான் சிறப்பாக இருக்கும் என்று அவர் முடிவெடுத்திருக்கிறார்.
பாலகிருஷ்ணாவின் 100வது படமான 'கௌதமிபுத்ர சட்டகர்ணி' படத்தை இயக்கிய கிரிஷ்-ஐ அழைத்து 'என்டிஆர்' படத்தை இயக்கித் தருமாறு கோரிக்கை வைத்திருக்கிறார். பாலகிருஷ்ணாவின் கோரிக்கையைத் தட்ட முடியாத கிரிஷ் படத்தை இயக்க சம்மதித்திருக்கிறார். இது பற்றிய அதிகாரப்பூர்வ அறிவிப்பை பாலகிருஷ்ணா நேற்று வெளியிட்டார்.
“என் மீது நம்பிக்கை வைத்து இந்தப் படத்தை இயக்கச் சொன்ன பாலகிருஷ்ணாவுக்கு நன்றி. இது ஒரு சாதாரண படமல்ல, தெலுங்கு மக்களின் பெருமையைப் பற்றிச் சொல்லும் படம். எனது மனப்பூர்வமான உழைப்பை இந்தப் படத்தில் கொடுப்பேன்,” என இயக்குனர் கிரிஷ் தெரிவித்துள்ளார்.