'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
மலையாளத்தில் பிசியாக நடித்து வரும் நடிகர் பிருத்விராஜ், இன்று(மார்ச் 9) 'பிருத்விராஜ் புரொடக்சன்ஸ் என்கிற தயாரிப்பு நிறுனத்தை துவங்கியுள்ளார். இதற்குமுன் சில ஆண்டுகளாக ஆகஸ்ட் சினிமாஸ் தயாரிப்பு நிறுவனத்தின் பங்குதாரர்களில் ஒருவராக இருந்து படங்களை தயாரித்த பிருத்விராஜ், கடந்த ஆண்டு அந்த நிறுவனத்தில் இருந்து விலகிக்கொண்டார்.
சுமார் ஒரு ஆண்டு ஆன நிலையில் இந்த புதிய நிறுவனத்தை ஆரம்பித்துள்ள பிருத்விராஜ், சினிமாவில் இருந்து பெற்றதை சினிமாவுக்கும் வழங்க வேண்டும் என்கிற குறிக்கோளில் இந்த தயாரிப்பு நிறுவனத்தை தொடங்கியுள்ளாராம்.
அதுமட்டுமல்ல, தன்னை தயாரிப்பு நிறுவனத்தில் கைபிடித்து அழைத்து அனுபவங்களை கற்றுக் கொடுத்த, ஆகஸ்ட் சினிமாஸின் மற்ற பங்குதாரர்களான சந்தோஷ் சிவன், ஷாஜி நடேசன் ஆகியோருக்கு தனது நன்றியையும் தெரிவித்துள்ளார். இதனால் அவர்களுடன் தனக்கு எந்த பிணக்கும் இல்லை என்பதையும் தெளிவுபடுத்தியுள்ளார் பிருத்விராஜ்.
இதன் முதல் தயாரிப்பு குறித்த மற்ற விபரங்கள் விரைவில் வெளியாகும் என கூறியுள்ளார் பிருத்விராஜ்.