தனிகட்சி தொடங்கினார் நடிகர் உபேந்திரா : சட்டசபை தேர்தலில் களமிறங்குகிறார்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

01 நவ, 2017 - 10:18 IST

எழுத்தின் அளவு:

பிரபல கன்னட நடிகர் உபேந்திரா. பல படங்களையும் இயக்கி உள்ளார். தமிழில் விஷாலுடன் சத்யம் படத்தில் நடித்தார். கடந்த சில ஆண்டுகளுக்கு முன்பு அரசியலில் குதித்த உபேந்திரா, மதசார்பற்ற ஜனதா தளம் கட்சியில் இணைந்தார். கடந்த பார்லிமென்ட் தேர்தலில் அந்தக் கட்சிக்காக பிரச்சாரம் செய்தார்.

இந்த நிலையில் நேற்று அவர் தனிக் கட்சி தொடங்கினார். பெங்களூருவில் நடந்த நிகழ்ச்சியில் கர்நாடக பிரக்ஷ்னவந்தா ஜனதா பக்ஷா (கே.பி.ஜே.பி) என்ற பெயரில் புதிய கட்சிக்கு பெயர் சூட்டினார். அவரது மனைவியும், நடிகையுமான பிரியங்கா திரிவேதியும் அதில் கலந்து கொண்டார். இந்த நிகழ்ச்சியில் ஏராளமான தொண்டர்கள் கலந்து கொண்டனர். அவர்கள் அனைவரும் காக்கி உடை அணிந்து வந்திருந்தனர்.

இந்த நிகழ்ச்சியில் பேசிய உபேந்திரா "நாட்டின் அடிப்படை கட்டமைப்பு மிகவும் மோசமடைந்துள்ளது. அரசியல்வாதிகள் அதனை சரிசெய்யவில்லை. நான் ஒரு புரட்சியை ஏற்படுத்துவேன். மக்களின் வரிபணத்தை கொண்டு அவர்களின் அத்யாவசிய தேவைகளை நிறைவேற்றுவோம். எனது கட்சியில் கல்வி, மருத்துவம், விவசாயம் என அனைத்து துறையிலும் இருப்பவர்கள் இணைந்திருக்கிறார்கள். வருகிற சட்டமன்ற தேர்தலில் அனைத்து தொகுதியிலும் போட்டியிடுவோம்" என்றார்.

Upendra

KarnatakaPrajnavantaJanataPaksha

KPJP

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

ஹாக்கி விளையாட்டு வீரர் ஆனார் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய