டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
மம்முட்டிக்கு கடந்த சில வருடங்களாகவே ஒரு மனவருத்தம் இருந்து வருகிறது. தனது படம் எதையும் கடந்த சில வருடங்களாக கிறிஸ்துமஸ் பண்டிகையில் ரிலீஸ் செய்ய முடியாமல் போனது என்கிற வருத்தம் தான் அது. மம்முட்டி-நயன்தாரா இணைந்து நடித்த 'புதிய நியமம்' படம் கடந்த 2015ல் கிறிஸ்துமஸ் தினத்தன்றே இந்தப்படம் வெளியாக திட்டமிடப்பட்டது.. ஆனால் சென்னையில் பெய்த மழையால் அங்கே நடைபெற்ற போஸ்ட் புரொடக்சன் பணிகள் பாதிக்கப்பட்டதால் தாமதமாக 2016 ஜன-29ல் ரிலீசானது. அதேபோல ஹனீப் அதேனி என்கிற புதுமுக இயக்குனர் இயக்கத்தில் மம்முட்டி நடித்த 'தி கிரேட் பாதர்' கடந்த 2016ல் கிறிஸ்துமஸ் ரிலீஸாக அறிவிக்கப்பட்டு, பின்னர் விநியோகஸ்தர் ஸ்ட்ரைக் காரணமாக தள்ளிப்போய் இந்த வருடம் மார்ச் இறுதியில் தான் ரிலீஸானது
ஆனால் இந்த முறை மம்முட்டியின் மனவருத்தத்தை போக்கும் விதமாக மம்முட்டி நடிப்பில் உருவாகியுள்ள 'ஸ்ட்ரீட்லைட்ஸ்' படத்தை வரும் கிறிஸ்துமஸ் பண்டிகையில் ரிலீஸ் செய்வதை இப்போதே உறுதிப்படுத்திவிட்டார்கள்.. இந்தப்படத்தில் போலீஸ் அதிகாரியாக நடிக்கிறார் மம்முட்டி.. க்ரைம் த்ரில்லராக உருவாகும் இந்தப்படத்தில் கதாநாயகி கேரக்டரே கிடையாது என்பது ஆச்சர்யம்.. அதுமட்டுமல்ல, மலையாளம், தமிழ் என இருமொழிப்படமாக இது தயாராகியுள்ளது.
இதன் தமிழ் வெர்ஷனில் பாண்டியராஜன், அவரது மகன் பிருத்வி, மொட்ட ராஜேந்திரன், பிளாக் பாண்டி உள்ளிட்ட தமிழ் நட்சத்திரங்கள் பலர் நடித்துள்ளார்களாம். கமலின் 'உத்தம வில்லன்', வெளியாக இருக்கும் 'விஸ்வரூபம்-2' படங்களுக்கு ஒளிப்பதிவு செய்த ஷாம்தத் ஷைனுதீன் என்கிற பிரபலமான ஒளிப்பதிவாளர்.. இந்தப்படத்தின் மூலம் இயக்குனராக அறிமுகமாகியுள்ளார் என்பது குறிப்பிடத்தக்கது.