'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
'க்ரைம் இன்வெஸ்டிகேஷன் த்ரில்லராக பி.உன்னிகிருஷ்ணன் டைரக்சனில் உருவாகியுள்ள 'வில்லன்' மற்றும் லால் ஜாசின் டைரக்சனில் கல்லூரி கதையாக உருவாகியுள்ள 'வெளிப்பாடிண்டே புத்தகம்' என இரண்டு படங்களையும் நடித்து முடித்துவிட்டு ரிலாக்ஸ் ஆகியுள்ளார் மோகன்லால்.
இதில் வில்லன் படம் வரும் ஆகஸ்ட் இறுதியில் வெளியாக இருக்கிறது. தற்போது சிறிது ஒய்வு எடுத்துக்கொண்டு அடுத்ததாக உருவாகவுள்ள 'ஒடியன்' படத்திற்காக தன்னை தயார்படுத்திக்கொண்டு வருகிறார் மோகன்லால். விளம்பரப்பட இயக்குனரான ஸ்ரீகுமார் மேனன் இயக்குனராக அறிமுகமாகும் இந்தப்படம் மிக பிரமாண்டமான பட்ஜெட்டில் உருவாக இருக்கிறது.
இந்தப்படத்தில் பிளாக் மேஜிசியனாக நடிக்கும் மோகன்லால், 3௦ முதல் 65 வயது வரையான தோற்றங்களில் நடிக்க இருக்கிறார். இதற்காக தனது உடல் எடையை 15 கிலோ வரை குறைத்திருக்கிறார் மோகன்லால். ஆக்சன் காட்சிகளுக்கு முக்கியத்துவம் கொடுக்கப்பட்டு உருவாக இருக்கும் இந்தப்படம் தனக்கு மிகப்பெரிய சவாலாக இருக்கும் என கூறியுள்ளார் படத்தின் ஸ்டண்ட் இயக்குனரான பீட்டர் ஹெய்ன் மாஸ்டர்.
இந்தப்படத்தின் படப்படிப்பு வரும் ஆக-24 முதல் வாரணாசியில் துவங்குகிறது.. அதை தொடர்ந்து ஐதராபாத், பாலக்காடு ஆகிய இடங்களிலும் இந்தப்படத்தின் படப்பிடிப்பு நடைபெற உள்ளது.