Dinamalar

பிருத்விராஜ் படத்திற்கு 15 வயதுக்குள் சிறுவன் தேடும் அஞ்சலி மேனன்..!

மலையாளத்தில் வெளியான 'பெங்களூர் டேய்ஸ்' படம் மூலம் பீல்குட் படங்களை இயக்குபவர் என பெயரெடுத்தவர் தான் இயக்குனர் அஞ்சலி மேனன்.. ரசிகர்களின் மனதை கொள்ளை கொண்ட, அப்படி ஒரு படத்தை கொடுத்து மூன்று வருடங்களுக்கு மேல் ஆகியும் கூட தனது புதிய படம் பற்றிய அறிவிப்பு எதையும் வெளியிடாமலேயே இருந்தார் அஞ்சலி மேனன்.. இதற்கிடையே கடந்த வருடம் பிரதாப் போத்தன் டைரக்சனில் துல்கர் சல்மான் நடிக்கும் படத்திற்கு அஞ்சலி மேனன் கதை எழுதினார்.. ஆனால் பிரதாப் போத்தன் அந்தக்கதையில் தனக்கு திருப்தியில்லை என ஒரு சர்ச்சையை கிளற அத்துடன் அந்தப்படம் கிடப்பில் போடப்பட்டது..

பின்னர், அதே கதையை துல்கர் சல்மானை வைத்து அஞ்சலி மேனனே இயக்குகிறார் என சொல்லப்பட்டது. கொஞ்சநாள் கழித்து, அவர் பிருத்விராஜ் படத்தைத்தான் இயக்குகிறார் என புதிய தகவல் வெளியானது. இந்த தகவல்கள் எதுவும் உறுதிப்படுத்தப்படாமல் இருந்த நிலையில், தற்போது பிருத்விராஜ் படத்தில் நடிக்க, பார்ப்பதற்கு அவரைப்போலவே தோற்றமளிக்கும் 12-15 வயதிற்குட்பட்ட சிறுவன் தேவை என தனது முகநூலில் விளம்பரம் கொடுத்துள்ளார் அஞ்சலி மேனன்.

இதன்மூலம் அவர் பிருத்விராஜ் படத்தை இயக்குவதை அதிகாரப்பூர்வமாக உறுதி செய்துள்ளார். சில வருடங்களுக்கு முன் பிருத்விராஜ் நடிப்பில் வெளியான 'மஞ்சாடிக்குறு' என்கிற படத்தின் மூலம் இயக்குனராக அறிமுகமானவர் தான் அஞ்சலி மேனன் என்பது குறிப்பிடத்தக்கது.

• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்
• 
  தமிழில் ஒளிபரப்பாகும் சன்னி லியோனின் ‛ஸ்ப்ளிட்ஸ்வில்லா எக்ஸ்' ...
• 
  ஏ.ஆர்.முருகதாஸ் - சல்மான்கான் படத்தின் தலைப்பு வெளியானது

• 
  ராம் சரணுக்கு டாக்டர் பட்டம்: சிரஞ்சீவி நெகிழ்ச்சி
• 
  பிரபல சினிமா தயாரிப்பாளர் சவுந்தர்ய ஜெகதீஷ் தற்கொலை
• 
  முகுந்தன் உன்னி அசோசியேட்ஸ் போல ஒரு கதையை என்னால் யோசிக்க முடியாது: ...
• 
  ராம் சரணுக்கு கவுரவ டாக்டர் பட்டம்
• 
  மெகா - பவர் சகோதரர்களுக்கு ஒன்றாக வாழ்த்து சொன்ன த்ரிஷா