டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
நடிகர் திலீப் - பாவனா விவகாரம் இந்த அளவுக்கு சிக்கலானதற்கு அவரது ரியல் எஸ்டேட் பிசினஸுக்கும் முக்கிய பங்கு இருக்கிறது. ரியல் எஸ்டேட் வர்த்தகத்தில் ஈடுபட்டிருந்த திலீப், அதன்மூலம் கிடைத்த தொகைகளை தனது நண்பர்கள் மட்டுமல்லாது, சில நடிகைகளிடம் கொடுத்து வைத்திருந்தார் என்றும் சொல்லப்பட்டது.
தற்போது வழக்கில் சம்பந்தப்பட்டுள்ள நடிகை பாவனாவிடம் அதுபோன்ற கொடுத்து வைத்திருந்த பணம் மற்றும் சில சொத்துக்களை திரும்ப பெறுவதில் ஏற்பட்ட பிரச்சனைதான், நடிகை பாவனாவுக்கு அப்படி ஒரு மோசமான சம்பவம் ஏற்பட காரணமாகவும், நடிகர் திலீப் சிறை செல்ல காரணமாகவும் அமைந்தது என்பதே பரவலான கருத்தாக பேசப்படுகிறது..
இந்நிலையில் போலீஸார் விசாரணையில் திலீப்பின் பினாமி கணக்குகளில் இருந்து, குறுகிய காலத்தில் வளர்ந்த, திலீப்புடன் சில படங்களில் நடித்த ஒரு நடிகையின் கணக்கிற்கு நிறைய பணம் மாற்றப்பட்டதாகவும் ஒரு தகவல் அடிபட்டது. அப்போதே பலரின் கவனமும் நடிகை நமீதா பிரமோத்தின் பக்கம் தான் திரும்பியது. காரணம் அறிமுகமாகிய குறுகிய காலத்தில், குறிப்பாக கடந்த இரண்டு வருடங்களில் திலீப்புடன் மூன்று படங்களில் கதாநாயகியாக நடித்துள்ளார் நமீதா பிரமோத். சிலர் நமீதாவை பற்றி சாடைமாடையாக செய்திகளை பரப்ப ஆரம்பிக்க, தற்போது அவற்றை மறுத்து விளக்கம் அளித்துள்ளார் நமீதா பிரமோத்.
அதில், “ஒவ்வொவொரு துறையில் உள்ள பிரபலங்களும் இதுபோல ஏதாவது அபாண்டங்களை சந்தித்துத் தான் ஆக வேண்டும் போல இருக்கிறது. இப்படி ஒரு செய்தி என்னைப் பற்றி வெளியான பின் அதற்கு விளக்கம் அளிக்க வேண்டும் என்பதற்காகவே நான் இதை சொல்கிறேன். எனக்கும் ஊடகங்களில் சொல்லப்படுவது போன்று வாங்கி கணக்குகளுக்கும் எந்த சம்பந்தமும் இல்லை. இப்படிப்பட்ட செய்திகளை வெளியிடும் முன் அதனால் நாங்கள் எந்த அளவுக்கு மன அழுத்தத்திற்கு ஆளாவோம் என்பதையும் நினைத்து பாருங்கள்” என கூறியுள்ளார் நமீதா பிரமோத்.
ஆனால் இதே நமீதா பிரமோத் தான், பாவனா விவகாரத்தில் திலீப்பின் பெயர் ஆரம்பத்திலேயே அடிபட்டபோதும் கூட, அதுபற்றி எல்லாம் அலட்டிக்கொள்ளாமல், கடந்த ஏப்ரல், மே மாதங்களில் அமெரிக்காவில் திலீப்-காவ்யா மாதவன் கிட்டத்தட்ட ஒருமாத காலம் நடத்திய 'திலீப் ஷோ-2017'ல் கலந்துகொண்டார் என்பதும் குறிப்பிடத்தக்கது..
தற்போது, தமிழில் பிரியதர்ஷன் இயக்கத்தில் உதயநிதி ஸ்டாலினுடன் தென்காசியில் நடைபெற்று வரும் புதிய படத்தின் படப்பிடிப்பில் நடித்து வருகிறார் நமீதா பிரமோத்.