Dinamalar

திலீப் - காவ்யா மாதவன் திடீர் திருமணம்...!

இத்தனை வருடங்களாக வதந்திகளுக்கு தீனிபோட்டு வளர்த்து வந்த மலையாள நட்சத்திரங்கள் திலீப்பும் காவ்யா மாதவனும் இன்று கொச்சியில் உள்ள தனியார் ஹோட்டலில் வைத்து மாலைமாற்றி திருமணம் செய்துகொண்டனர். கேரளாவில் இன்று பரபரப்பாக அரங்கேறிய இந்த நிகழ்வில் நடிகர் மம்முட்டி, ஜெயராம், லால், சலீம்குமார், நடிகை மேனகா, கே.பி.ஏ.சி லிதா உள்ளிட்ட சில பிரபலங்களும் திலீப், காவ்யா மாதவனின் நெருங்கிய உறவினர்கள் மட்டுமே கலந்துகொண்டனர்.

திருமணம் முடிந்ததும் திலீப்பும் காவ்யா மாதவனும் தங்களை சினிமாவில் அறிமுகப்படுத்திய இயக்குனர் கமலின் காலில் விழுந்து ஆசீர்வாதம் பெற்றனர்.. நேற்று மாலை தான் தனது திருமண முடிவை தனது நண்பர்களுக்கும் உறவினர்களுக்கும் தெரிவித்து மீடியாவின் பரபரப்பின்றி இந்த திருமணத்தை நடத்தியுள்ளார் திலீப்.

மலையாள நடிகை மஞ்சு வாரியாரை காதலித்து திருமணம் செய்துகொண்ட திலீப், அதன்பின் அவருடன் ஏற்பட்ட கருத்து வேறுபாடு காரணமாக சில வருடங்களுக்கு முன் அவரை விவாகரத்து செய்தார்.. அவரது விவாகரத்துக்கு காரணமே திலீப்புக்கும் காவ்யா மாதவனுக்கும் உள்ள நெருக்கம் தான் என சொல்லப்பட்டது. ஆனால் அவற்றை எல்லாம் திலீப்பும் காவ்யா மாதவனும் பலமுறை மறுத்தே வந்துள்ளார்கள். திலீப் தனக்கு வயதிற்கு வந்த மகள் இருப்பதால் அவரை பாதிக்கும் விதமாக, அவரது கருத்துக்கு மாறாக எந்த முடிவும் எடுக்க மாட்டேன் என்றும், தனது மறு திருமணம் என்பது தன் மகள் எடுக்கும் முடிவில் தான் அடங்கியுள்ளது என்றும் சில சமயங்களில் சூசகமாக உணர்த்தியும் வந்துள்ளார்..

சில மாதங்களுக்கு முன்பு திலீப்பும் காவ்யா மாதவனும் 'பின்னேயும்' என்கிற படத்தில் இணைந்து நடித்தபோது மீண்டும் திருமண செய்திகளில் அடிபடத்தொடங்கினர். ஆனால் அப்போதும் கூட தங்களுக்குள் நட்பு தவிர வேறெதுவும் இல்லை என மறுக்கவே செய்தார்கள்.. இதோ இப்போது திலீப்பின் மகள் மீனாட்சி இவர்களது திருமணத்திற்கு மனப்பூர்வமாக சம்மதம் தெரிவித்துவிட்டதால், இருவரும் தங்களது நண்பர்கள், நெருங்கிய உறவினர்கள் முன்னிலையில் இன்று காலை திருமணம் செய்துகொண்டு வதந்திகளுக்கு நிரந்தர முற்றுப்புள்ளி வைத்துவிட்டனர்.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி
• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...