Dinamalar

தெலுங்கு பிரேமம் படம் பார்த்து கண் கலங்கிய நாகார்ஜூனா

மலையாள சூப்பர் ஹிட் திரைப்படமான பிரேமம் தெலுங்கிலும் அதே பெயருடன் ரீமேக் செய்யப்பட்டு, சூப்பர் ஹிட் அடித்துள்ளது. தெலுங்கில் நாக சைதன்யா நாயகனாக நடிக்க அவருடன் அனுபமா பரமேஷ்வரன், ஷ்ருதிஹாசன், மடோனா செபஸ்டியன் என மூன்று நாயகிகள் நடித்துள்ளனர். இயக்குனர் சண்டூ மொண்டேட்டி இயக்கிய இப்படம் ரூ 21 கோடிக்கும் அதிகமாக வசூல் செய்துள்ளது. இவ்வெற்றியை நேற்று(அக் 19) மாலை படக்குழுவினர் உற்சாகமாக கொண்டாடி மகிழ்ந்தனர். நாகசைதன்யாவின் தந்தை நாகார்ஜூனா இவ்விழாவில் கலந்து கொண்டு படக்குழுவினரை பாராட்டினார்.

விழாவில் பேசிய நாகார்ஜூனா, “பிரேமம் படத்தை பார்த்தவுடனே தெரிந்துவிட்டது இப்படம் தெலுங்கிலும் நிச்சய வெற்றி பெறும் என்று, இதனால் அப்போதே இயக்குனரை அழைத்து பாராட்டி விட்டேன். இப்படத்தின் இறுதிகாட்சிகள் எனது கண்ணில் கண்ணீரை வர செய்தன. இயக்குனர் சண்டூ டோலிவுட் ரசிகர்களின் ரசனைக்கேற்ப இப்படத்தை உருவாக்கியுள்ளார். எனது கீதாஞ்சலி படத்தின் வெற்றியைப் போல் நாகசைதன்யாவின் பிரேமம் படத்தின் வெற்றியைப் பார்க்கின்றேன். நாகசைதன்யா இப்படத்தில் அற்புதமான நடிப்பை வெளிப்படுத்தியுள்ளார். மகனின் வெற்றியை விட தந்தைக்கு வேறு என்ன மகிழ்ச்சி இருக்க முடியும் எனும் பிரேமம் பட வசனமே இத்தருணத்திற்கு பொருத்தமானது” என கூறினார்.

நாகசைதன்யா கூறுகையில், இயக்குனர் சண்டூ தனக்கு மிக பெரும் வெற்றி படத்தைக் கொடுத்துள்ளார். இதற்காக அவருக்கு முதலில் நன்றி கூற விரும்புவதாக தெரிவித்தார். தொடர்ந்து ரசிகர்களுக்கும் நன்றி தெரிவித்த நாகசைதன்யா, தங்களின் குறிக்கோளுக்கு ஏற்ப மலையாள பிரேமம் படத்தின் தரத்தை குறைத்து விடாமல், தெலுங்கில் அப்படத்தைக் கொடுத்துள்ளதாக விமர்சனங்கள் கிடைத்துள்ளதே இப்படத்தின் பெரிய வெற்றி என்று நாகசைதன்யா கூறினார்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...
• 
  பழம்பெரும் மலையாள இசை அமைப்பாளர் கே.ஜி.ஜெயன் காலமானார்