Dinamalar

தயாரிப்பாளரின் மரணத்தை தொடர்ந்து காதலியும் தற்கொலை..!

கடந்த ஏப்-25ஆம் தேதி, 29 வயதே ஆன மலையாள தயாரிப்பாளரான அஜய்கிருஷ்ணன் என்பவர் தற்கொலை செய்துகொண்ட செய்தியை வெளியிட்டிருந்தோம்.. அவரது தற்கொலைக்கான காரணம் என்னவென்று இன்னும் சரியாக கண்டுபிடிக்கப்படாத சூழலில் நேற்று அவரது காதலியும் தற்கொலை செய்துகொண்ட சம்பவம் மலையாள திரையுலகில் இன்னும் பரபரப்பையும் அதிர்ச்சியையும் ஏற்படுத்தியுள்ளது.. அவரது காதலியின் பெயர் வினீதா நாயர்.. அவருக்கும் வயது 28 தான்.

பெங்களூருவில் பேஷன் டிசைனிங் படித்து முடித்த வினீதா கேரளாவில் நல்ல வேலைக்காக முயற்சி செய்துகொண்டிருந்த சூழலில் தான் அஜய் கிருஷ்ணனுடன் நட்பு ஏற்பட்டதாம். அஜய் கிருஷ்ணன் தற்கொலை செய்துகொண்ட நாளில் இருந்து, வினீதா நாயர் கடும் மன அழுத்தத்தில் இருந்து வந்ததாகவும், அதனாலேயே இப்படி ஒரு முடிவை அவர் எடுத்திருக்கலாம் என்றும் அவரது உறவினர்கள் தெரிவித்துள்ளனர்.

அஜய் கிருஷ்ணனின் தற்கொலைக்கு காரணமாக பைனான்ஸ் பிரச்சனை இருப்பதாக சொல்லப்பட்டது. தற்போது 'அவருடே ராவுகள்' என்கிற படத்தை இவர் தயாரித்து வந்தார். உன்னிமுகுந்தன், ஆசிப் அலி, ஹனிரோஸ், லேகா, முகேஷ் என பிரபலமான நட்சத்திரங்கள் தான் இந்தப்படத்தில் நடித்து வந்தனர். பிலிப்ஸ் அன்ட் மங்கி பெண் இயக்குனர்களில் ஒருவரான சனில் முகமதுதான் இந்தப்படத்தை இயக்கி வந்தார். படம் நன்றாக வரவில்லை என தெரிந்துகொண்டதாகவும் ஏற்கனவே பொருளாதார நெருக்கடியில் இருந்த அவர் இந்தப்படமும் ஓடாமல் இன்னும் கடனாளி ஆகிவிடுவோமோ என நினைத்து அந்த பயத்தில் தான் தற்கொலை செய்துகொண்டதாகவும் சொல்லப்பட்டு வந்தது.

ஆனால் படத்தின் இயக்குனர் அந்த செய்தியில் துளியும் உண்மை இல்லை என மறுத்து வந்தார். இப்போது தயாரிப்பாளரின் காதலியும் தற்கொலை செய்துகொண்டதால், இவர்கள் இருவருக்கும் ஏதாவது கருத்து வேறுபாடு ஏற்பட்டு அதனால் இந்த தற்கொலைகள் நிகழ்ந்திருக்கலாமோ என்கிற கோணத்தில் போலீஸார் விசாரித்து வருகின்றனர்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...
• 
  பழம்பெரும் மலையாள இசை அமைப்பாளர் கே.ஜி.ஜெயன் காலமானார்
• 
  ராஜா ஸாப் படப்பிடிப்பில் பிரபாஸுடன் இணைந்த நிதி அகர்வால்