சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் | கிரிக்கெட் பின்னணி கதையில் விஜய் மகன் | சிஎஸ்கே வீரருடன் சீரியல் நடிகைக்கு காதலா? - நடிகையே சொன்ன உண்மை | பணத்திற்காக அட்ஜெஸ்ட்மெண்ட்? - ஆர்த்திகா அளித்த அதிரடி பேட்டி |
நடிகர் ஜெயம் ரவி, நடிகை நயன்தாரா, நடிகர் அரவிந்த் சாமி மற்றும் பலர் நடிப்பில் இயக்குனர் மோகன் ராஜா இயக்கத்தில் வெளிவந்த தனி ஒருவன் படம் ரசிகர்களின் வரவேற்புடன் வெற்றி வாகை சூடியது. இப்படத்தில் நீண்ட இடைவெளிக்கு பின்னர் ஸ்டைலாக தோன்றிய அரவிந்த் சாமி ரசிகர்களின் மனதில் நீங்கா இடம் பிடித்து விட்டார். இப்படத்தில் நடித்தற்காக பலராலும் பாராட்டப்பட்ட அரவிந்த் சாமியை தனி ஒருவன் தெலுங்கு ரீமேக்கிலும் நடிக்க வைக்க முயற்சிகள் மேற்கொள்ளப்பட்டன. ஆனால் ஒரே கதாபாத்திரத்தில் மீண்டும் நடிக்க விருப்பமில்லை எனக் கூறி அரவிந்த் சாமி மறுத்து விட்டார். தனி ஒருவன் படத்தை தெலுங்கில் இயக்குனர் சுரேந்தர் ரெட்டி இயக்கவுள்ளார். நடிகர் ராம் சரண் இப்படத்தில் நாயகனாக நடிக்கவுள்ளார். அரவிந்த் சாமி மறுத்த பின்னர் ராணா, சுதீப், மாதவன், நரா ரோஹித் போன்றோரின் பெயர்கள் இப்படத்தில் வில்லனாக நடிக்கப்பதாக அடிபட்டது. ஆனால் ராம் சரண் கேட்டுக்கொண்டதால் அரவிந்த் சாமியே தனி ஒருவன் தெலுங்கு ரீமேக்கில் நடிக்க சம்மதம் தெரிவித்து விட்டதாக தகவல்கள் வெளிவந்துள்ளன. இது குறித்த அதிகாரப் பூர்வ அறிவிப்பு விரைவில் வெளிவரும் என்றும் கூறப்படுகின்றது.