Dinamalar

பெண் அரசியல்வாதி என்றால் சேலை தான் கட்ட வேண்டுமா? - மஞ்சு வாரியர்

இந்தாண்டு துவக்கத்தில் ‛துணிவு' என்கிற படத்தின் மூலம் தனது வெற்றி கணக்கை தொடங்கியுள்ளார் நடிகை மஞ்சு வாரியர். இதற்கு அடுத்ததாக மலையாளத்தில் தற்போது அவர் நடித்துள்ள வெள்ளரி பட்டணம் என்கிற படம் வரும் மார்ச் 24 அன்று வெளியாக இருக்கிறது. இந்த படத்தை மகேஷ் வெட்டியார் என்பவர் இயக்கி உள்ளார். இந்த படத்தில் மஞ்சு வாரியர் ஒரு கிராமத்து பஞ்சாயத்து தலைவர் கதாபாத்திரத்தில் நடித்துள்ளார். சமீபத்தில் இந்த படத்தில் நடித்தபோதுதான் தனது இரு சக்கர வாகன உரிமத்தை மஞ்சு வாரியர் பெற்ற நிகழ்வு வைரலானது.

அதேசமயம் இந்த படத்தில் மஞ்சு வாரியர் பஞ்சாயத்து தலைவர் என்றாலும் பெரும்பாலான காட்சிகளில் மாடர்ன் ட்ரெஸ்ஸில் தான் நடித்துள்ளார். இது குறித்து மஞ்சு வாரியர் கூறும்போது, “எனக்கு சேலை அணிவது ரொம்பவே பிடிக்கும். சமீபத்தில் நான் சேலை அணிந்து வெளியிட்ட பதிவுக்கு பல லட்சம் லைக்குகள் கிடைத்தன. ஆனால் இந்த படத்தில் நான் ஏற்று நடித்துள்ள சுனந்தா கதாபாத்திரம் சற்று வித்தியாசமானது. ஒரு பெண் அரசியல்வாதி என்றால் சேலைதான் அணிய வேண்டுமா என்று கேள்வி கேட்கும் விதமாக உருவாக்கப்பட்டுள்ளது. அதனால் படத்தின் இயக்குனர் மகேஷ் வெட்டியாரும் மற்றும் ஆடை வடிவமைப்பாளர் சமீராவும் வித்தியாசமான ஆடைகளை எனக்காக உருவாக்கி உள்ளனர்” என்று கூறியுள்ளார்.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி
• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...