Advertisement
நீங்கள் இங்கே இருக்கிறீர்கள்: முகப்பு » விமர்சனம் »

பெங்களூர் நாட்கள்

பெங்களூர் நாட்கள்,Bangalore naatkal
26 பிப், 2016 - 13:54 IST

 கருத்தைப் பதிவு செய்ய

எழுத்தின் அளவு:
தினமலர் விமர்சனம் » பெங்களூர் நாட்கள்

தினமலர் விமர்சனம்


ஆர்யா, ராணா, பாபிசிம்ஹா, கெஸ்ட் ரோலில் சமந்தா, பார்வதி, ஸ்ரீதிவ்யா, லட்சுமிராய் உள்ளிட்ட ஒரு பெரும் நட்சத்திர பட்டாளமே நடித்து உணர்வுகளின், உறவுகளின் பதிவாய் பொம்மரில்லு பாஸ்கர் இயக்கத்தில் தமிழில் ரீ-மேக்காகி வந்திருக்கும் பெங்களூர் டேஸ் எனும் மலையாள வெற்றிப்படமே பெங்களூர் நாட்கள்.


ஆர்யா, பாபி, ஸ்ரீதிவ்யா மூவரும் கசின்ஸ். சிறு வயது முதல் உறவும் நட்புமாக வளர்ந்த மூவரும் வெவ்வேறு விஷயங்களுக்காக பெங்களூரில் செட்டில் ஆகின்றனர். அங்கு மூவருக்கும் அவர்களது வாழ்க்கையில் ஏற்படும் மாற்றங்களும், ஏமாற்றங்களும், ஏற்றங்களும்.... தான் பெங்களூர் நாட்கள் படம் மொத்தமும்!


பைக் மெக்கானிக் கம் ரேஸராக ஆர்யா, ரேஸர் சிவா கம் அமெரிக்கா ரிட்டர்ன் பிரசாத்தாக ராணா, குட்டியாக பாபி சிம்ஹா, அம்மு - ஸ்ரீதிவ்யா, ஆர்.ஜே.சாரதாவாக பார்வதி, ஏர் ஹோஸ்ட்டஸ் லட்சுமி ராய், கெஸ்ட் ரோல் சமந்தா உள்ளிட்ட எல்லோரும் கச்சிதம்!


பெண்ணை இழந்து மனனவியுடன் தவிக்கும் அப்பாவாக பிரகாஷ்ராஜ், கயாவுக்கு போக வேண்டிய வயதில் கோவாவை கொண்டாடும் எம்.எஸ்.பாஸ்கர், நாகரீகத்திற்கு மாறும் அம்மா சரண்யா, பார்வதியின் அம்மா ரேகா, ஸ்ரீ திவ்யாவின் பெற்றோர் பட்டிமன்ற ராஜா, ஸ்ரீரஞ்சனி உள்ளிட்ட எல்லோரும் கூட நாயகர்கள், நாயகியரைப் போன்றே நிறைவு!


உனக்கெல்லாம் ஒன்வேல பைக் ஓட்டத்தான் தெரியும்... எனக்கு ரன்வேல பிளைட்ல போற பொண்ணை பிக் -அப் பண்ணத் தெரியுமுன்னு இருத்தேன்... , "எனக்கு உன் பின்னாடி வர்றதுல்ல.. உன் கூடவே வரணும்னு ஆசை... , "எனக்காக இதெல்லாம் செய்யச் சொல்லி நான் யார்கிட்டேயும் எதையும் கேட்பதில்லை... , பழக்கமில்லாத பக்கத்து வீட்டுகாரங்கதானே கேட்கட்டும்.. என்னும் வசனங்களும்....


"அந்தடுப்பு இல்லையாடா... விறகடுப்பு இல்லையேம்மா என பாபி சொல்வதும்.., நான் கேட்டது இன்டெக்ஷன் அடுப்பு என அம்மா சரண்யா சொல்வதும், இன்றைய நாகரீகம் விரும்பும் கிராமத்து பெண்களின் உணர்வுகளை பிரதிபலிக்கும் காட்சிகளும், க்ளைமாக்ஸ் பைக் ரேஸும், சாராவை ராணா தலைமையில் பெண் கேட்டு போகும் இடமும் கலக்கல். தியேட்டரில் கைத்தட்டல்.


கண்ணா, கனவுகளுக்கும், நினைவுகளுக்கும் இடையில மாட்டிக்கிட்டு வாழுற வாழ்கைய மறந்துடுறோம்! , "இது தான் இந்த ஊரு.... கலச்சாரத்தை தேடி வந்த பொண்ணு ... ஒரு பக்கம், மற்றொரு பக்கம் நாகரீகத்தை தேடிப் போற எங்கம்மா..." உள்ளிட்ட வசனங்களும் அது சம்பந்தப்பட்ட காட்சிகளும் கூட ரசனை.


"நான் மாட்டிக் கொண்டேன்... உள்ளிட்ட பாடல்களைக் காட்டிலும் கோபி சுந்தர் இசையில் பின்னணி இசை மட்டும் இதம். கே.வி.குகன் ஒளிப்பதிவில் ஜொலிக்கிறது பெங்களூரும், பெங்களுர் நாட்கள் படமும்.


மொத்தத்தில், பொம்மரில்லு பாஸ்கர் இயக்கத்தில், பெங்களூர் நாட்கள் - தித்திக்கும் திரைகள், தினங்கள்!


----------------------------------------------------------


குமுதம் சினி விமர்சனம்


ஹீரோயிசம், பஞ்ச் டயலாக், காமெடி நண்பன் என்ற தமிழ் சினிமாவின் இலக்கணத்தையெல்லாம் தூக்கிக் கடாசிவிட்டு வித்தியாசமாய், ஒரு சினிமா.


மலையாளத்தில் ஹிட் அடித்த படத்தை தமிழு்குத் தந்திருக்கிறார்கள். ஆர்யா, சிம்ஹா, ஸ்ரீதிவ்யா மூவரும் சொந்தக்காரர்கள். அவர்களின் சின்ன வயது நிறைவேறாத ஆசை பெங்களூரில் போய் லூட்டி அடிக்க வேண்டும் என்பது.


ஸ்ரீதிவ்யா கல்யாணமாகி பெங்களூர் செல்ல, ஆர்யா, சிம்ஹாவும் அங்கே போக, ஆளாளுக்கு ஒரு பிரச்னை ஏற்படுகிறது. அதனை எப்படி வெற்றிகரமாக உற்சாகமாக கடக்கிறார்கள் என்பதுதான் பெங்களூர் நாட்கள்.


வழக்கம்போல் விளையாட்டு பையனாக ஆர்யா. கணவனுக்கு என் பிரச்னை என்று புரிபடாத ஸ்ரீதிவ்யா, காதல் என்று நினைத்து ஏமாந்து போகும் சிம்ஹா.


இறக்கமாக இருந்து காரணம் புரிந்ததும், மனதைக் கவ்வும் ராணா, உற்சாகமான சமந்தா, காதலுக்கும் பாசத்துக்கும் இடையில் தவிக்கும் பார்வதி, கோபத்தையும் இயலாமையையும் ஒரு சேர வெளிப்படுத்தும் பிரகாஷ்ராஜ் என்று மேக்கப் கூட இல்லாமல் இயல்பாக இருக்கிறார்கள். அனைவருமே, இயக்கம் பொம்மரில்லு பாஸ்கர்.


கிராமத்தில் புழுங்கித் தவிக்கும் அம்மாக்காரி நகரத்துக்கு வந்தால் எப்படியெல்லாம் இருப்பார என்பதை சரண்யாவுக்கு நிகராக யாராவது செய்துவிட முடியுமா? பொன்வண்ணன் வீட்டுக்குச் செல்லும் போது ஒரு திருஷ்டிப் பூசணிக்காயை வாங்கிச் செல்லவும்!


குகனின் கேமரா பெங்களூரைச் சுற்றிக் காட்டுகிறது. பாடல்கள் அன்னியத் தன்மை.


பெங்களூர் நாட்கள் - புதுசு!


குமுதம் ரேட்டிங் - ஓ.கே.



வாசகர் கருத்து

No comments found

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)

பேஸ்புக் மூலம் கருத்து தெரிவித்தவர்கள்

பெங்களூர் நாட்கள் தொடர்புடைய செய்திகள் ↓
Advertisement

மேலும் விமர்சனம்

  • டாப் 5 படங்கள்

  • Advertisement

    Tweets @dinamalarcinema

    Advertisement
    Copyright © 2018 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in