"டிவி சேனலுக்கு அல்வா கொடுத்த சோனாலி

"காதலர் தினம் படத்தில் நடித்து, "என்ன விலை அழகே என, கோலிவுட் ரசிகர்களை புலம்ப வைத்த சோனாலி பிந்த்ரே, அதற்கு பின், பாலிவுட்டில் செட்டிலாகி விட்டார். பாலிவுட்டிலும் வாய்ப்பு குறைந்ததால், "டிவிசேனல்களில் நடத்தப்படும் நிகழ்ச்சிகளில் "பிசியாகி விட்டார். பிரபலமான இந்தி சேனலில்,  குழந்தைகளின் திறமைகளை கண்டறிவதற்காக நடத்தப்படும் நிகழ்ச்சியில் நடுவராக இருந்தார். திடீரென அந்த நிகழ்ச்சியில் இருந்து வெளியேறி, அந்த சேனலின் பரம எதிரியாக கருதப்படும், மற்றொரு "டிவி சேனல் நிகழ்ச்சிக்கு தாவி விட்டார். இதற்கான காரணம் என்ன என்பது குறித்து, சம்பந்தப்பட்ட சேனல் நிர்வாகமும், சோனாலியும், மூச்சுக் கூட, விட மறுக்கின்றனர். இதுதவிர, விரைவில் அக்ஷய் குமாருடன், ஒரு இந்தி படத்தில் ஹீரோயினாக நடிக்கப் போகிறாராம்.