தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
அமிதாப்பச்சன், அமீர்கான், காத்ரினா கைப் என பாலிவுட்டின் முன்னணி நட்சத்திரங்கள் நடிக்கும் படம் என கடந்த வாரம் ஹிந்தித் திரையுலகத்தில் ஒரு பரபரப்பை ஏற்படுத்திய படம் 'தக்ஸ் ஆப் ஹிந்தோஸ்தான்'. இப்படத்தின் டிரைலருக்கு 9 கோடிக்கும் அதிகமான பார்வைகள் கிடைத்ததால் படம் பெரிய வெற்றியைப் பெறும் என்று எதிர்பார்த்தார்கள். ஆனால், முதல் நாள் முதல் காட்சியிலேயே படத்தின் ரிசல்ட் என்ன என்பது தெரிந்துவிட்டது.
படம் வெளியான முதல் நாளில் 50 கோடி வசூலித்த இந்தப் படம், அடுத்த நாளே 28 கோடிக்கு கீழிறிங்கியது. சனிக்கிழமை 22 கோடி, ஞாயிறு 17 கோடி, திங்கள் 7 கோடி என வசூல் படிப்படியாகக் குறைந்தது பாலிவுட் எதிர்பார்க்காதது. 5000க்கும் மேற்பட்ட தியேட்டர்களில் வெளியிட்டு இவ்வளவு தான் வசூலித்துள்ளது என்றால் மிகவும் ஆச்சரியம்தான்.
சுமார் 300 கோடி ரூபாய் பட்ஜெட்டில் படமான இந்தப் படம் அதில் பாதி அளவாவது வசூலிக்குமா என்பது சந்தேகம் என்கிறார்கள். ஆமிர்கான், அமிதாப்பச்சன் நடித்து வெளிவந்த மோசமான படங்களின் வரிசையில் இந்தப்படமும் இடம் பிடிக்கும் என்கிறார்கள்.
'பாகுபலி'யை வீழ்த்தும் அளவிற்கு ஒரு படத்தை உருவாக்க வேண்டும் என பாலிவுட்டில் நினைத்தார்கள். கடைசியில் அது பரிதாபம் ஆகிவிட்டது.