இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
பிரபல பாலிவுட் நடிகை சோனாலி பிந்த்ரே. தமிழில் காதலர் தினம், கண்ணோடு காண்பதெல்லாம் உள்பட சில படங்களில் நடித்துள்ளார். பாலிவுட்டில் முன்னணி நடிகையாக இருந்த சோனாலிக்கு வாய்ப்புகள் குறைந்ததும், இயக்குனர் கோடிபெல்லை திருமணம் செய்து கொண்டு சினிமாவிலிருந்து விலகி குடும்ப வாழ்க்கையில் ஈடுபட்டார்.
43 வயதாகும் சோனாலி பிந்த்ரேவுக்கு மூன்றாவது நிலை புற்றுநோய் வந்துவிட்டது. இந்தியாவில் எடுத்துக் கொண்ட சிகிச்சையில் முன்னேற்றம் இல்லாததால் தற்போது அமெரிக்காவில் தங்கி சிகிச்சை பெற்று வருகிறார். புற்று நோயுடன் அவர் தொடர்ந்து போராடி வருகிறார். கீமோ தெரபி சிகிச்சையால் அவரது தலைமுடிகள் உதிர்ந்து விட்டது.
மொட்டைத் தலையுடன் இருக்கும் தனது புகைப்படத்தை இன்ஸ்ட்ராகிராமில் வெளியிட்டுள்ள சோனாலி, "நமது தோற்றம் அழகாக இருக்க வேண்டும் என்பதே எல்லோருடைய ஆசை. அழகு இல்லாவிட்டால் அது ஆழ்ந்த உளவியல் தாக்கத்தை ஏற்படுத்தும். அப்போது மனம் தளர்ந்து விடாமல் மகிழ்ச்சியாக இருப்பதற்குரிய விஷயங்களை செய்ய வேண்டும், நம் தோற்றம் பற்றிய கர்வம் மற்றவர்களுக்கு பாதிப்பை ஏற்படுத்த கூடாது" என்று கூறியிருக்கிறார்.
தொடர்ந்து நடக்கும் கீமோ தெரபி சிகிச்சையில் தன் கண் பாதிக்கப்பட்டு இருப்பதாகவும், சில நேரங்களில் பார்க்க முடியவில்லை என்றும் கூறியுள்ள சோனாலி, தற்போது கண் பாதிப்பில் இருந்து மீண்டு வருவதாகவும் தெரிவித்துள்ளார்.