Dinamalar

சிரஞ்சீவி படத்திலிருந்து அமிதாப் விலகலா?

சிரஞ்சீவி நடிக்கும் 151வது படம் சைரா நரசிம்ம ரெட்டி. சுதந்திர போராட்ட வீரரின் கதையில் சிரஞ்சீவி நடிக்கும் இந்த படத்தின் படப்பிடிப்பு நடந்து வருகிறது. சிரஞ்சீவியுடன் அமிதாப்பச்சன், நயன்தாரா, சுதீப், விஜய் சேதுபதி என பலர் நடிப்பதாகவும் ஏ.ஆர்.ரகுமான் இசையமைப்பதாகவும் முதலில் கூறப்பட்டது.

பின்னர் ஏ.ஆர்.ரகுமான் அப்படத்தில் இருந்து விலகினார். அவருக்குப் பதிலாக எஸ்.எஸ்.தமன் இசையமைக்கலாம் என்று கூறப்பட்டு வந்த நிலையில், தற்போது பாகுபலி இசையமைப்பாளர் கீரவாணி, சைரா நரசிம்ம ரெட்டி படத்திற்கு இசையமைக்கிறார்.

இந்த நிலையில், தற்போது அமிதாப்பச்சன் அப்படத்தில் இருந்து விலகிவிட்டதாக ஒரு செய்தி வெளியாகியிருக்கிறது. ஆனால் இந்த செய்தியை சிரஞ்சீவி தரப்பு உடனடியாக மறுத்துள்ளது. அமிதாப்பச்சன், சிரஞ்சீவியின் குருநாதராக கதைக்கு மிக முக்கியத்துவம் வாய்ந்த வேடத்தில் நடிக்கிறார். இரண்டாம் கட்ட படப்பிடிப்பு சிரஞ்சீவி - அமிதாப்பச்சன் சம்பந்தப்பட்ட காட்சிகள் அதிகமாக படமாக்கப்பட உள்ளது என்று சொல்லி அந்த வதந்திக்கு முற்றுப்புள்ளி வைத்துள்ளனர்.

• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா