இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
நடிகர் அமீர் கானின் நடிப்பில் வெளியான இந்தி படம் டங்கல். இதில் அவரது மகளாக நடிகை ஜைரா வாசிம் நடித்திருந்தார். படத்தில் மல்யுத்த வீராங்கனையாக நடித்திருந்த இவர், இந்த படத்தில் நடித்ததற்காக ஜனாதிபதியிடம் இருந்து சிறந்த சாதனையாளருக்கான தேசிய குழந்தைகள் விருதும் பெற்றார்.
இவர் நேற்று (டிச.,09) டில்லியில் இருந்து மும்பை சென்ற ஏர் விஸ்தாரா விமானம் ஒன்றில் பயணம் செய்து உள்ளார். விமானம் நடுவானில் சென்று கொண்டு இருந்த போது நள்ளிரவில், பின் இருக்கையில் அமர்ந்திருந்த ஒருவர் கால்களால் ஜைராவிற்கு பாலியல் ரீதியில் தொல்லை கொடுத்துள்ளார். இதுபற்றி அழுதுகொண்டே, இன்ஸ்டாகிராமில் அவர் வீடியோவாக பதிவிட்டுள்ளார். இது மிக பயங்கரம் நிறைந்தது என்றும் அவர் கூறியுள்ளார். தனக்கு தொல்லை கொடுத்தவர் யார் என தெரியவில்லை எனவும் ஜைரா தெரிவித்துள்ளார்.
தொடர்ந்து அவர், விமானத்தில் இருந்த ஒருவரும் தனது உதவிக்கு வரவில்லை. இதுவா சிறுமிகளை நீங்கள் கவனித்து கொள்ளும் விதம்? எங்களை போன்ற சிறுமிகளுக்கு உதவ யார் இருக்கின்றனர்? என அந்த வீடியோவில் அவர் தெரிவித்துள்ளார். தற்போது இந்த வீடியோ சமூக வலைதளங்களில் வைரலாக பரவி வருவதை அடுத்து, விமான நிறுவனம் ஜைராவின் பின்புறம் அமர்ந்திருந்தவர் பற்றிய விபரங்களை சேகரித்து வருகிறது.