Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

இந்தியா என்ற ஒரே சினிமா : பார்வதி

08 நவ, 2017 - 14:23 IST
எழுத்தின் அளவு:
I-know-only-one-industry-and-that-is-Indian-film-industry---Parvathy

சமீபகாலமாக தென்னிந்திய நடிகைகள் பாலிவுட்டிலும் நடிக்க தொடங்கியுள்ளனர். அந்தவகையில் மலையாளத்தில் பிரபலமான நடிகையும், தமிழில் பூ, மரியான போன்ற படங்களில் நடித்தவருமான பார்வதியும், இர்பான் கான் உடன் "காரிப் காரிப் சிங்கிள்" என்ற படத்தில் நடித்துள்ளார். இந்தவாரம் வெள்ளிக்கிழமை (நவ., 10) வெளியாக உள்ள இப்படம் பற்றியும், தனது பாலிவுட் அறிமுகம் குறித்தும் நம்மோடு அவர் பகிர்ந்து கொண்டதாவது...

பாலிவுட் படத்தில் நடிக்க என்ன காரணம்?
காரிப் காரிப் படத்தின் கதை தான் முக்கிய காரணம். கதை எனக்கு மிகவும் பிடித்திருந்தது. இயக்குநர் என்னிடம் கதை சொன்னபோது சிரித்து கொண்டே இருந்தேன், அந்தளவுக்கு நகைச்சுவையான படம். இன்னொரு விஷயம் இயக்குநர் தனுஜா சந்திரா படத்தில் நடிக்க வேண்டும் என்று விரும்பினேன். தனுஜா, ஹிந்தியில் மட்டுமல்ல வேறு எந்த மொழியிலும் இந்த கதையை இயக்கியிருந்தாலும் நிச்சயம் நான் நடித்திருப்பேன். என்னை பொறுத்தமட்டில் மொழி ஒரு பிரச்னை இல்லை, கதை தான் முக்கியம். மராத்தி, பெங்காலி, போஜ்புரி படங்களில் நடிக்க வாய்ப்பு வந்தால் கூட நடிப்பேன்.

பாலிவுட் சினிமா பற்றி உங்கள் கருத்து?
என்னை பொறுத்தமட்டில் எந்த துறையும் எனக்கு புதிது கிடையாது. எல்லாம் இந்தியா என்ற ஒரு சினிமா துறை தான். நான், தமிழ், மலையாளம், கன்னடம் மற்றும் ஹிந்தி படங்களில் நடித்துள்ளேன். தெலுங்கு படத்தில் மட்டும் நடிக்கவில்லை, காரணம் எனக்கான கதைகள் அங்கு இல்லை. நான் நடித்த 18 படங்களை போலவே காரிப் காரிப் சிங்கிள் படத்திலும் நடித்தேன்.
இர்பான் கான் உடன் பணியாற்றிய அனுபவம் பற்றி?
இர்பான் உடன் பணியாற்றியது மகிழ்ச்சியான தருணம். அவர் எப்போதும் கலகலப்பாக இருப்பவர். அப்படிப்பட்ட ஒருவருடன் நடிப்பது நம்மையும் கலகலப்பாக்கும். என்னை பொறுத்தமட்டில் அவருடன் நடித்ததை ஒரு நடிப்பு பட்டறையில் பயிற்சி பெற்றதை போன்றே உணர்கிறேன். அவரிடமிருந்து நிறைய விஷயங்களை கற்று கொண்டேன்.

இர்பானிடம் உள்ள ஏதாவது ஒரு கெட்ட பழக்கம்?
இர்பான் உடன் நான் நிறைய நேரம் செலவழிக்க முடியவில்லை, அதனால் அவரிடம் உள்ள கெட்ட பழக்கத்தை என்னால் அறிந்து கொள்ள முடியவில்லை. ஆனால் அவரிடம் ஒரு விஷயத்தை நான் கவனித்தேன். அதாவது, நான் தான் இயக்குநரிடம் அதிக கேள்வி கேட்கிறேன் என்றால் அவர் என்னை விட அதிகமாக கேள்வி கேட்பார். மற்றபடி வேறு எதுவும் எனக்கு தோன்றவில்லை. மீண்டும் அவருடன் நடிக்க வாய்ப்பு வந்தால் அப்போது பார்த்து சொல்கிறேன்.

ஒரு படத்தை தேர்வு செய்யும் முன் நீங்கள் முன்னுரிமை கொடுப்பது ஹீரோவுக்கா... இல்லை இயக்குநருக்கா...?
எனக்கு கதை தான் மிக மிக முக்கியம். அதன்பிறகு இயக்குநர் யார் என்று பார்ப்பேன். ஏனென்றால் அவர் தான் அந்த படத்தின் கேப்டன். மற்றபடி யார் ஹீரோ என்றெல்லாம் பார்க்கமாட்டேன். கதை பிடித்திருந்தால் போதும், ஹீரோவுக்கு முக்கியத்துவம் கொடுக்க மாட்டேன். இந்த காரிப் காரிப் சிங்கிள் படம் கமிட்டானபோது கூட யார் ஹீரோவாக நடிக்கிறார்கள் என்று தெரியாது. கதை பிடித்திருந்தது நடித்தேன்.

பாலிவுட்டில் உள்ள மூன்று கான்களில், உங்களுக்கு பிடித்தவர் யார்?
அப்படியா யாரையும் குறிப்பிட்டு சொல்ல தெரியவில்லை. ஒவ்வொருத்தருக்கும், அழகு, புகழ், பலம், பலவீனம் எல்லாம் உள்ளது. ஆகையால் மூவரில் யார் பிடித்தமானவர்கள் என்று என்னால் சொல்ல முடியவில்லை.

இவ்வாறு பார்வதி கூறினார்.

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் க்ரிஷ்- 4 : பவர்புல் வில்லனாக மாறும் ஹிருத்திக் ரோஷன் க்ரிஷ்- 4 : பவர்புல் வில்லனாக மாறும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in