Dinamalar

பிரபல மலையாள இயக்குநர் ஐவி சசி காலமானார்

மலையாள சினிமாவின் பிரபல இயக்குநர் ஐவி சசி காலமானார். அவருக்கு வயது 69. உடல்நலக்குறைவு காரணமாக சென்னையில் உள்ள தனியார் மருத்துவமனை ஒன்றில் சிகிச்சை பெற்று வந்தார். இந்நிலையில் சிகிச்சை பலன் இன்றி அவர் காலமானார். இவர் நடிகை சீமாவின் கணவர் ஆவார்.

கேரள மாநிலம், கோழிக்கூட்டில் 1948-ம் ஆண்டு, மார்ச் 28-ம் தேதி பிறந்தவர் ஐவி சசி. சின்ன வயதிலேயே சினிமா மீது ஆர்வம் கொண்ட சசி, கலை இயக்குநராக தன் சினிமா பயணத்தை தொடங்கினார். பின்னர் இயக்கத்தில் கவனம் செலுத்திய சசி, 27-வது வயதில் உல்சாவம் என்ற படத்தின் மூலம் இயக்குநராக அறிமுகமானார்.

அதன்பின்னர் பல வெற்றி படங்களை இயக்கி, மலையாள சினிமாவின் பிரபலமான இயக்குநராக திகழ்ந்தார். இவர் இயக்கிய ஆரூடம் படம் மிகவும் பிரபலமானது. இப்படத்திற்கு தேசிய விருதும் கிடைத்திருக்கிறது. 70 முதல் 90 வரை மலையாள சினிமாவின் ஆளுமை இயக்குநராக திகழ்ந்த சசி, 100க்கும் மேற்பட்ட படங்களை இயக்கியுள்ளார்.

மலையாளத்தில் அதிக படங்களை இயக்கியுள்ள சசி, தமிழில் கமலை வைத்து அலாவுதீனும் அற்புத விளக்கும், குரு, ரஜினியை வைத்து எல்லாம் உன் கைராசி, காளி போன்ற படங்களை இயக்கி உள்ளார்.

ஐவி.சசி, நடிகை சீமாவை காதலித்து திருமணம் செய்து கொண்டார். இவர்களுக்கு அனு என்ற மகளும், அனி என்ற மகனும் உள்ளனர்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்