‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு |
ஷங்கர் இயக்கத்தில் ரஜினிகாந்த், அக்ஷய் குமார், எமி ஜாக்சன் மற்றும் பலர் நடிக்க சுமார் 400 கோடி ரூபாய் செலவில் உருவாகி வரும் படம் '2.0'. இப்படத்தின் இசை வெளியீடு அடுத்த வாரம் துபாயில் நடைபெற உள்ளது. அதற்காக டிக்கெட்டுகள் பல லட்சம் ரூபாய்க்கு விற்கப்பட்டு வருகிறது. இப்படத்தில் உதவி இயக்குனராக 'கர்ண மோட்சம்' என்ற குறும் படத்திற்காகத் தேசிய விருது பெற்றவரான முரளி மனோகர் என்பவர் பணியாற்றி வருகிறார். தனக்கு கடந்த மாதத்திற்கான சம்பளம் வழங்கப்படவில்லை என அவருடைய முகப் புத்தகத்தில் கூறியிருந்தார். அவருக்கு ஆதரவாக பல உதவி இயக்குனர்களும், இயக்குனர்களும் அவர்களது கருத்துக்களைப் பதிவு செய்திருந்தார்கள்.
இந்த விவகாரம் மீடியாக்களிலும் வெளியானதைத் தொடர்ந்து படத் தயாரிப்பு நிறுவனமான லைகா உதவி இயக்குனர் முரளி மனோகருக்கு உரிய சம்பளத்தைக் கொடுத்திருக்கிறது. இது பற்றி முரளி மனோகர் அவருடைய முகப் புத்தகத்தில் தெரியப்படுத்தியுள்ளார். “லைகா நிறுவனம் உரிய ஊதியத்தைக் கொடுக்கத் தயாராய்தான் இருந்திருக்கிறது. அன்புமிக்க என் இயக்குநருடன் இருக்கும் ஒரு புல்லுருவி ஒன்றுதான் மின்னஞ்சல் போட்டு அதற்கும் எனக்குமான முன் விரோதத்திற்கு பழி தீர்க்கிறேன் பேர்வழி என புத்திசாலித்தனமாக செயல்படுவதாக எண்ணி வாங்கிக் கட்டிக்கொண்டிருக்கிறது.
என் ஆசிரியர், குரு, ஷங்கர் சாருக்காக நான் மீண்டும் காலை முதல் வேலையில் இணைகிறேன். அவருக்கு என்றென்றும் நன்றியுடன் இருப்பேன். அந்தப் புல்லுருவிக்கு ஆழ்ந்த அனுதாபங்கள். எனக்கு ஊதியம் கொடுக்க வந்த, என்னைப் புரிந்துகொண்ட லைகாவிற்கு நன்றிகளும் வணக்கமும் !. என் அன்பிற்கினிய இயக்குநருக்காக ஊரிலிந்து பணிக்குத் திரும்புகிறேன் !,” என அவர் பதிவிட்டுள்ளார். சுமார் 400 கோடி ரூபாய் செலவில் தயாராகும் ஒரு படத்திற்கு உதவி இயக்குனருக்கு சரியான சமயத்தில் சம்பளம் தரப்படாதது தமிழ்த் திரையுலகத்தில் கடந்த இரண்டு நாட்களாக பரபரப்பை ஏற்படுத்தியிருந்தது.