டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
ஒரு நல்ல நாள் வந்தால் போதும், சினிமாக்காரர்கள் அவர்களது முதல் பார்வை, டீசர், டிரைலர் என அனைத்தையும் வெளியிட்டு சினிமா ரசிகர்களை திக்குமுக்காட வைத்துவிடுவார்கள். அந்த விதத்தில் இந்த தீபாவளிக்கும் அப்படி சில விஷயங்கள் நடந்துள்ளன. இருந்தாலும் ஒரு சில படங்கள்தான் ரசிகர்களின் கவனத்தை அதிகம் ஈர்த்திருக்கின்றன.
அந்த விதத்தில் தீபாவளிக்கு இரண்டு நாட்கள் முன்னதாகவே இசையமைப்பாளர் அனிருத்தின் பிறந்த நாளன்று 'தானா சேர்ந்த கூட்டம்' படத்தின் 'சொடக்கு' பாடல் டீசர் வெளியானது. மூன்று நாட்களில் 28 லட்சம் பார்வைகளையும், 1 லட்சம் லைக்குகளையும் இந்த டீசர் அள்ளியுள்ளது.
சூர்யாவின் போட்டியாளராகக் கருதப்படும் விக்ரம் நடித்துள்ள 'ஸ்கெட்ச்' படத்தின் டீசர் 17ம் தேதி வெளியானது. இந்த டீசருக்கு இரண்டு நாட்களில் 26 லட்சம் பார்வைகளும், 92 லட்சம் லைக்குகளும் கிடைத்துள்ளன.
சூர்யாவின் தம்பி கார்த்தி நடித்துள்ள 'தீரன் அதிகாரம் ஒன்று' படத்தின் டிரைலரும் 17ம் தேதி வெளியிடப்பட்டது. ஆனால், இந்த டிரைலரை இதுவரை 12 லட்சம் பேர் மட்டுமே பார்த்துள்ளனர், வெறும் 30 ஆயிரம் லைக்குகள் மட்டுமே கிடைத்துள்ளன. தெலுங்கில் 'காக்கி' என்ற பெயரில் வெளியாகியுள்ள இப்படத்தின் டிரைலருக்கு 10 லட்சம் பார்வைகள் கிடைத்துள்ளன.
தியேட்டர்களில் 'மெர்சல்' மற்ற போட்டிகளை பின்னுக்குத் தள்ளி முன்னேறிக் கொண்டிருக்க யு டியூபில் விக்ரம், சூர்யா, கார்த்தி ஆகிய படங்களுக்கிடையே கடும் போட்டி நிலவி வருகிறது.