டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கடந்த மாதம் வெளியான 'ஆடம் ஜான்' படத்தை தொடர்ந்து தற்போது பிருத்விராஜ் நடித்துவரும் படமான 'விமானம்' ரிலீஸுக்கு தயாராகி வருகிறது. வரும் நவ-1௦ஆம் தேதி இந்தப்படம் ரிலீஸாக இருப்பதாக அறிவிக்கப்பட்டுள்ளது. உண்மை சம்பவத்தை அடிப்படையாக கொண்ட கமர்ஷியல் படமாக இது உருவாகிறது.
சில வருடங்களுக்கு முன் கேரளாவில் பரப்பரப்பான செய்திகளில் இடம்பிடித்தவர் தான் ஷாஜி தாமஸ். வாய் பேசமுடியாத, கேட்கும் திறனையும் இழந்த, ஏழாம் வகுப்போடு தனது பள்ளிப்படிப்பை கைவிட்ட இந்த ஷாஜி என்பவர் தனது விடாமுயற்சியால் மரக்கட்டைகளையும் பைக் இஞ்சினையும் வைத்து விமானம் ஒன்றை உருவாக்கி பறக்கவைத்தார்.
அந்த ஷாஜியின் கதைதான் இப்போது பிருத்விராஜின் 'விமானம்' படமாக உருவாகி வருகிறது. ஷாஜி கேரக்டரில் தான் பிருத்விராஜ் நடிக்கிறார். இந்தப்படத்தை எழுத்தாளர் பிரதீப் எம்.நாயர் என்பவர் இயக்கியுள்ளார். துர்கா கிருஷ்ணா என்பவர் இதில் பிருத்விராஜுக்கு ஜோடியாக நடித்துள்ளார்.
இதே கதையை தழுவி, இந்தப்படத்திற்கு போட்டியாக எடுக்கப்பட்டு சில மாதங்களுக்கு முன் வெளியான வினீத் சீனிவாசன் நடித்த 'எபி' படம் பெரிய வரவேற்பை பெறவில்லை. இந்தநிலையில் பிருத்விராஜின் 'விமானம்' நிச்சயமாக உயரே பறக்கும் என நம்பிக்கை தெரிவிக்கின்றனர் 'விமானம்' படக்குழுவினர்..
இந்த படத்தில் நடித்துள்ள பிருத்விராஜ் வெறுமனே விமானத்தை உருவாகும் விஞ்ஞானியாக மட்டும் இல்லாமல், சில காட்சிகளில் சிறிய ரக பிளைட்டையும் ஓட்டவேண்டி இருந்ததால் தமிழ்நாட்டில் அம்பாசமுத்திரம் என்கிற ஊரில் உள்ள முன்னாள் பைலட் எஸ்.கே.ஜே நாயர் என்பவரிடம் விமானம் ஓட்டுவது குறித்து பயிற்சிபெற்றார் என்பதும் குறிப்பிடத்தக்கது