Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

மீண்டும் ஒரு ஸ்டிரைக், தாங்குமா தமிழ்த் திரையுலகம்?

04 அக், 2017 - 17:48 IST
எழுத்தின் அளவு:
Did-Tamil-Cinema-will-face-another-Stirke

ஸ்டிரைக், வேலை நிறுத்தம் என்ற வார்த்தைகள் எவ்வளவு வேதனையானவை என்பது அதனால் பாதிப்புக்கு உள்ளானவர்களுக்குத்தான் தெரியும். அதிலும் பல கோடி ரூபாய் முதலீடு செய்யப்படும் திரையுலகத்தில் இப்படி வேலைநிறுத்தம் ஏற்பட்டால் அதனால் நேரடியாகவும், மறைமுகமாகவும் பாதிக்கப்படுபவர்கள் பல்லாயிரம் பேர்.

நஷ்டப்பட்ட தயாரிப்பாளர்கள்
ஜிஎஸ்டி விதிப்பை எதிர்த்து கடந்த ஜுலை மாதம் எந்த விதமான முன்னறிவிப்பும் இல்லாமல் தமிழ்நாடு முழுவதும் தியேட்டர்களை மூடினார்கள். அப்போது ஜுன் மாதம் 30ம் தேதி வெளியான திரைப்படங்கள் பெரும் நஷ்டத்தைச் சந்தித்தன. ஒரு வாரத்திற்குள்ளாக வேலை நிறுத்தம் முடிவுக்கு வந்து மீண்டும் தியேட்டர்களைத் திறந்தாலும், பாதிப்படைந்த படங்கள் வசூலில் மீள முடியவில்லை. அதற்கு முன்னதாக ஜுன் 23ம் தேதி வெளியான படங்களும் பாதிப்படைந்தன. அந்தப் படங்களின் தயாரிப்பாளர்களைக் கேட்டால் அவர்களது நஷ்டங்களைப் பற்றி அவ்வளவு பேசுவார்கள்.

மீண்டும் ஒரு ஸ்டிரைக்?
ஜிஎஸ்டி விதிப்பு சமயத்திலேயே கேளிக்கை வரி பிரச்சனையும் எழுந்தது. மூன்று மாதங்கள் கழித்து தமிழக அரசு 10 சதவீத கேளிக்கை வரி விதிக்கப்படும் என்று அறிவித்தது. அதனால் மீண்டும் ஒரு ஸ்டிரைக் உருவாகும் நிலைமை தற்போது வந்துள்ளது. நாளை மறுநாள் அக்டோபர் 6ம் தேதி சுமார் 10 படங்கள் வரை வெளியாக உள்ளதாக ஏற்கெனவே அறிவிப்புகளை வெளியிட்டு, தியேட்டர்களையும் பதிவு செய்து வந்தார்கள். இந்த சூழ்நிலையில் நேற்று தயாரிப்பாளர் சங்கத்தில் நடைபெற்ற கூட்டத்தில் அக்டோபர் 6ம் தேதி முதல் புதிய படங்களை வெளியிட மாட்டோம் என்று அறிவித்துள்ளனர்.

தீபாவளி படங்களும் பாதிக்கும்
இதனால், அக்டோபர் 6ம் தேதி வெளியாக உள்ள படங்களுக்குப் பெரும் பாதிப்பு ஏற்படும். அதிலும், களத்தூர் கிராமம், திட்டி வாசல், விழித்திரு ஆகிய படங்கள் சில முறை வெளியீடு தள்ளி வைக்கப்பட்ட படங்கள். அவை மீண்டும் ஒரு தள்ளிவைப்பை சந்திக்க நேர்ந்தால் அந்தத் தயாரிப்பாளர்களுக்கு மிகுந்த சிரமம் ஏற்படும். இன்னும் இரண்டு வாரங்களில் தீபாவளி வர இருப்பதால் வரும் வாரங்களில் வெளியாகும் படங்களுக்கும் இதனால் பாதிப்பு வரலாம்.

தடுமாற்றத்தில் தமிழ் சினிமா
பல்வேறு மாவட்டங்களில் செயல்படும் தியேட்டர் உரிமையாளர்கள் சங்கத்தினரும் கேளிக்கை வரிக்கு எதிர்ப்பு தெரிவித்து, கூட்டங்களை நடத்தி வருகிறார்கள். அவர்களின் ஒட்டு மொத்த முடிவு இரண்டொரு நாளில் தெரிய வரும். மீண்டும் ஒரு ஸ்டிரைக் நடைபெறும் பட்சத்தில் ஏற்கெனவே பைரசி, ஜிஎஸ்டி வரியால் கட்டண உயர்வு என தடுமாறி வரும் தமிழ்த் திரையுலகம் மீண்டும் ஒரு தடுமாற்றத்தைச் சந்திக்க வேண்டிய நிலைமை வந்துவிட்டது.

ஒற்றுமை தேவை
தயாரிப்பாளர் சங்கம், திரையுலக கூட்டமைப்பு, வினியோகஸ்தர்கள் சங்கம், தியேட்டர் உரிமையாளர்கள் சங்கம், பிலிம் சேம்பர் என சில சூழ்நிலைகளால் தனித் தனியாக முடிவெடுத்து வருபவர்கள் ஒன்று சேர்ந்து ஒரு நிலையை உருவாக்கினால் மட்டுமே இதற்கு நிரந்தரத் தீர்வு கிடைக்கும்.

Advertisement
சூர்யாவின் 20 வருடங்களில் சிறந்த 10 படங்கள்!சூர்யாவின் 20 வருடங்களில் சிறந்த 10 ... படங்கள் அதிகம், வெற்றி....?  செப்டம்பர் மாதப் படங்கள் ஓர் பார்வை படங்கள் அதிகம், வெற்றி....? செப்டம்பர் ...


வாசகர் கருத்து (15)

Sampath Kumar - chennai,இந்தியா
09 அக், 2017 - 13:11 Report Abuse
Sampath Kumar தமிழ்நாடு ஏவ்வளவோ பாத்தாச்சு இது சும்மா டம்மி பீசு கூத்தாடிகள் கூத்தைகளாக மட்டும் இருங்கள் உங்களை நம்ப மக்கள் தயராக இல்லை
Rate this:
anand - Chennai,இந்தியா
05 அக், 2017 - 11:01 Report Abuse
anand அனுபவம் இல்லாத விஷால் ஏதேதோ முடிவு எடுக்கிறார்? தமிழ் சினிமாவை அழித்து விடுவார். ஒரு வகையில் அது நல்லது தான். நாலு பேர் கோடியில் சம்பாதிக்க நாலாயிரம் பேர் கஷ்டப்படும் துறை.
Rate this:
aravind - chennai,இந்தியா
05 அக், 2017 - 10:54 Report Abuse
aravind மக்களுக்கு நல்லது, பணத்தை இப்பொழுது எடுக்கும் படத்தை பார்ப்பதற்கு தேவையில்லாம செலவுகள் மிச்சமாகும், முடிந்தால் திரைப்படத்தை முழுவதுமாக நிறுத்துங்கள்.
Rate this:
Srinivasan Kannaiya - muscat ,ஓமன்
05 அக், 2017 - 08:04 Report Abuse
Srinivasan Kannaiya தமிழக பொதுமக்களுக்கு என்ன பாதிப்பு இருக்க போகிறது... இதனால் பொதுமக்களின் சகஜ வாழ்க்கை பாதிக்காது...
Rate this:
Makkal Enn pakam - Riffa,பஹ்ரைன்
05 அக், 2017 - 07:50 Report Abuse
Makkal Enn pakam எல்லா தியேட்டர்களையும் நிரந்தரமாக மூடிவிடுங்கள், இந்த தமிழ்நாடு உருப்படும்.... மொத்த பகல்/இரவு கொள்ளையும் இந்த திரை அரங்கங்களில் தான் நடக்கிறது.
Rate this:
மேலும் 10 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Kodiveeran
    • கொடிவீரன்
    • நடிகர் : சசிகுமார்
    • நடிகை : மகிமா ,சனுஷா
    • இயக்குனர் :முத்தையா
    Tamil New Film Pakka
    • பக்கா
    • நடிகர் : விக்ரம் பிரபு
    • நடிகை : நிக்கி கல்ராணி ,பிந்து மாதவி
    • இயக்குனர் :எஸ்.எஸ்.சூர்யா
    Tamil New Film Nimir
    • நிமிர்
    • நடிகர் : உதயநிதி ஸ்டாலின்
    • நடிகை : பார்வதி நாயர்
    • இயக்குனர் :ப்ரியதர்ஷன்
    Tamil New Film Aval
    • அவள்
    • நடிகர் : சித்தார்த்
    • நடிகை : ஆண்ட்ரியா
    • இயக்குனர் :மிலிந்த்

    Tweets @dinamalarcinema

    Advertisement
    Copyright © 2017 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in