ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
சில வருடங்களுக்கு முன்புவரை பிசியான ஹீரோவாக வருடத்திற்கு நான்கைந்து படங்களில் நடித்து வந்தார் விமல். அவரது நடிப்பில் கடந்த வருடம் வெளிவந்த படம் 'மாப்பிள்ளை சிங்கம்'. அந்தப் படத்திற்குப் பிறகு விமல் நடிப்பில் வேறெந்த படமும் இதுவரை ரிலீஸாகவில்லை.
இதனால் தனது சொந்த தயாரிப்பில், பூபதி பாண்டியன் இயக்கத்தில் 'மன்னார் வளைகுடா' படத்தை ஆரம்பித்து அதில் நடித்து முடித்துள்ளார் விமல். விரைவில் வெளியாகவிருக்கும் இந்தப்படத்தைத் தொடர்ந்து மேலும் 2 புதிய படங்களில் நடிக்கவிருகிறார் விமல்.
சசிகுமார் நடித்து வெளிவந்த 'வெற்றிவேல்' படத்தை இயக்கிய வசந்தமணி இயக்கவிருக்கும் புதிய படம் அதில் ஒன்று. டி.இமான் இசையமைக்கவிருக்கும் இப்படத்தில் சமுத்திரக்கனியும் முக்கிய வேடமொன்றில் நடிக்கிறார்.
அதோடு, 2010ல் வெளிவந்து சூப்பர்ஹிட் வெற்றியைப் பெற்ற 'களவாணி' படத்தின் இரண்டாம் பாகத்திலும் நடிக்கிறார் விமல். முதல் பாகத்தை இயக்கிய சற்குணமே இயக்கும் இப்படத்தில் சூரி, கஞ்சா கருப்பு ஆகியோரும் நடிக்கிறார்கள்.
கதாநாயகியாக நடிக்க ஓவியாவை அணுகியபோது பெரிய சம்பளம் கேட்டதால், வேறு நாயகியைத் தேடி வருகின்றனர். கலகலப்பு -2 படத்தில் விமல் நடிப்பார் என்று எதிர்பார்க்கப்பட்டநிலையில் தற்போது ஜீவாவும், ஜெய்யும் நடிப்பதாக தகவல் வெளியாகி இருக்கிறது.