Advertisement

சிறப்புச்செய்திகள்

டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

அதிர்ச்சியே அதிகம் - ஆகஸ்ட் மாதப் படங்கள் ஓர் பார்வை

06 செப், 2017 - 12:09 IST
எழுத்தின் அளவு:
August-month-movies-:-special-report

தமிழ்த் திரையுலகத்தில் பட வெளியீட்டு மாதங்கள் என்று சில மாதங்களும், சில கிழமைகளும், சில விசேஷ நாட்களும் இருக்கும்.

பொங்கல், குடியரசு தினம், தமிழ்ப் புத்தாண்டு, மே தினம், சுதந்திர தினம், ஆயுத பூஜை, தீபாவளி, கிறிஸ்துமஸ் ஆகிய சில விசேஷ நாட்களில்தான் முன்பெல்லாம் அதிகப் படங்கள் வெளியாகும். பத்து படங்கள் வெளியான விசேஷ நாட்கள் எல்லாம் இருந்திருக்கின்றன. அடுத்து சில குறிப்பிட்ட மாதங்களில் படங்கள் அதிகமாக வெளியாகும். ஏப்ரல், மே, ஆகஸ்ட், டிசம்பர் ஆகிய மாதங்களில் மற்ற மாதங்களை விட அதிகப் படங்கள் வெளிவரும். அதே போல படங்கள் பெரும்பாலும் வெள்ளிக்கிழமைகளில் மட்டுமே வெளிவரும்.


கடந்த சில வருடங்களாக இப்படிப்பட்ட நடைமுறைகள் அனைத்தும் காணாமல் போனது. விசேஷ நாட்களில் படங்கள் வெளிவருவதில்லை. அப்படியே வந்தாலும் ஓரிரு படங்கள் மட்டுமே வருகின்றன. வெள்ளிகிழமைகளில் மட்டுமே படங்களை வெளியிட்ட நாட்களும் குறைந்து வியாழக்கிழமைகளில் கூட படங்களை வெளியிட ஆரம்பித்துவிட்டார்கள்.


ஆகஸ்ட் மாதம் என்பது அதிகப் படங்கள் வெளியாகும் மாதம், சுதந்திர தினத்தில் பல படங்கள் வெளிவரும் என்பதெல்லாம் போன வருடத்தோடு முடிந்து போய்விட்டதோ எனத் தோன்றுகிறது. இந்த வருடம் சுதந்திர தினத்திற்கு ஒரு படம் கூட வரவில்லை என்பது அதிர்ச்சியான தகவல்.


கடந்த ஆகஸ்ட் மாதத்திலும் குறைவான படங்களே வெளிவந்துள்ளன.


ஆகஸ்ட் 4ம் தேதி ஆக்கம், கோடம்பாக்கத்தில் கோகிலா, மன்மதப் பார்வை, சதுர அடி 3500, ஏன் இந்த மயக்கம் ஆகிய படங்கள் வெளிவந்தன. இவற்றில் ஆக்கம், சதுர அடி 3500, ஏன் இந்த மயக்கம் ஆகிய படங்கள் குறைந்த பட்சம் 3 காட்சிகளாவது ஓடியிருந்தால் அதிசயம்தான். கோடம்பாக்கத்தில் கோகிலா, மன்மதப் பார்வை ஆகிய படங்களின் பெயரைப் பார்த்தாலே மலையாளப் படங்கள் போலத்தான் இருக்கின்றன. சினிமாவைப் பற்றிய அடிப்படை புரிதல் கூட இல்லாமல் இப்படி பெயரை வைத்து படத்தை எடுப்பவர்களை என்ன சொல்வது ?.


ஆகஸ்ட் 5ம் தேதி உள்ளம் உள்ளவரை படம் வெளியானது. தியேட்டர் பெயருடன் விளம்பரம் செய்ததைப் பார்த்த போது அந்த தியேட்டர்களில் இந்தப் படம் வெளியானதா என்று கூட யோசிக்கத் தோன்றுகிறது.


ஆகஸ்ட் 11ம் தேதி பொதுவாக எம்மனசு தங்கம், தரமணி, விஐபி 2 ஆகிய படங்கள் வெளியாகின. இரண்டு நாட்களுக்கு முன்பு இந்தப் படங்கள் 25வது நாளையும் கடந்திருப்பது ஆச்சரியம்தான். பெரிய வெற்றி என்று சொல்ல முடியாவிட்டாலும் சுமாரான வெற்றியை இந்த மூன்று படங்களுமே பெற்றன. நீண்ட வாரங்களுக்குப் பிறகு ஒரே நாளில் வெளிவந்த மூன்று படங்கள் ஓரளவிற்கு வரவேற்பைப் பெற்றது வரவேற்க வேண்டிய ஒன்று.


ஆகஸ்ட் 24ம் தேதி விவேகம், தப்பாட்டம் ஆகிய படங்கள் வெளிவந்தன. கடந்த மாதத்தில் வெளிவந்த படங்களில் அதிக எதிர்பார்ப்பை ஏற்படுத்திய படம் விவேகம். இயக்குனர் சிவா, அஜித் கூட்டணியில் மூன்றாவதாக வெளிவந்த இந்தப் படம் எதிர்பார்ப்புகளை ஏமாற்றிய படமாகவே அமைந்தது. கடுமையாக விமர்சனத்துக்குள்ளான இந்தப் படம் 150 கோடி வசூலைக் கடந்தும் பலருக்கு லாபத்தைக் கொடுக்க வழியில்லை என்பதே உண்மை. தப்பாட்டம் படம் பெயரைப் போலவே, எதற்கு இப்படியெல்லாம் படம் எடுத்து காசை வீணாக்குகிறீர்கள் என தயாரிப்பாளரிடம் கேட்கத் தோன்றுகிறது.


ஆகஸ்ட் 25ம் தேதி அட்ரா ராஜா அடிடா, பணம் பதினொன்னும் செய்யும் ஆகிய படங்கள் வெளிவந்தன. இப்படி படங்கள் வெளிவந்ததா என இதைப் படிப்பவர்களுக்கு ஆச்சரியமாகத்தான் இருக்கும். பணம் அதிகம் இருந்தால் படம் எடுக்கத் தோணும் என்றுதான் இதைப் பற்றிச் சொல்ல வேண்டும்.


ஆகஸ்ட் மாதத்தில் வெளிவந்த 13 படங்களில் பொதுவாக எம்மனசு தங்கம், தரமணி, விஐபி 2, விவேகம் ஆகிய நான்கு படங்கள் மட்டுமே தியேட்டர்களுக்கு மக்களை வரவழைத்த படங்கள். வித்தியாசமான படம் என்று பாராட்டப்பட்ட தரமணி சிட்டியைத் தாண்டி ஓடவில்லை. பி அன்ட் சி ரசிகர்களுக்குப் பிடிக்கும் என்று சொல்லப்பட்ட பொதுவாக எம்மனசு தங்கம் பெரிய வசூலைத் தரவில்லை. விஐபி 2, விவேகம் ஆகிய படங்கள்தான் அதிக வசூலைப் பெற்ற படங்கள். அப்படியே பெற்றிருந்தாலும் அந்தப் படங்கள் லாபத்தைத் தரவில்லை என்பதுதான் உண்மை நிலவரம்.


மொத்தத்தில் ஆகஸ்ட் மாதம் அதிர்ச்சியைத்தான் கொடுத்திருக்கிறது.


ஆகஸ்ட் 4


ஆக்கம், கோடம்பாக்கத்தில் கோகிலா, மன்மதப் பார்வை, சதுர அடி 3500, ஏன் இந்த மயக்கம்


ஆகஸ்ட் 5


உள்ளம் உள்ளவரை


ஆகஸ்ட் 11


பொதுவாக எம்மனசு தங்கம், தரமணி, விஐபி 2


ஆகஸ்ட் 24


விவேகம், தப்பாட்டம்


ஆகஸ்ட் 25


அட்ரா ராஜா அடிடா, பணம் பதினொன்னும் செய்யும்


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் 2021 - தமிழ் சினிமாவின் பாதை மாறுமா? ; காத்திருக்கும் சவால்கள்! 2021 - தமிழ் சினிமாவின் பாதை மாறுமா? ; ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in