பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
மலையாள நடிகர் திலீப் மற்றும் நடிகை விவகாரம் பாலிவுட் வரை தாக்கம் ஏற்படுத்தியுள்ளது. சமீபத்தில் பாலிவுட் நடிகை கங்கனா ரணாவத் ஒரு தொலைக்காட்சிக்கு அளித்த பேட்டியில் இந்த விவகாரம் குறித்து தனது கருத்தை கூறினார். அதுகூட அவராக வேண்டுமென்றே முன் வந்து கூறவில்லை. அவருடைய வாழ்க்கை பற்றி கேட்கப்பட்ட ஒரு கேள்விக்கு திலீப் விவாகரத்தை குறிப்பிட்டு பதிலளித்தார்.
நடிகை கங்கனாவுக்கும் நடிகர் ஹிரித்திக் ரோஷனுக்குமான கீரி-பாம்பு சண்டை ஊரறிந்த ஒன்று. இருவரும் நெருங்கி பழகி வந்ததுடன், லிவிங் டுகெதர் முறையில் வாழ்ந்து வந்ததாகவும் ஒருமுறை கங்கனா தெரிவிக்க, அப்படியெல்லாம் எங்களுக்குள் எதுவுமில்லை என ஹ்ரித்திக் ஒரே போடாக போட அப்போது முதல் இருவரும் எதிர் துருவங்களாக மாறிவிட்டனர்.
அந்த பேட்டியின்போது திலீப் விவாகரத்தை சுட்டிக்காட்டிய தொகுப்பாளர் உங்களுக்கு ஹ்ரித்திக்கிடம் இருந்து இப்படி ஏதும் அச்சுறுத்தல்கள் வரவில்லையா என்றார்..? அப்படி எதுவும் இல்லை என மறுத்த கங்கனா ஆனால் இதுபோன்ற நிகழ்வுகள் எனக்கு பயம் தருகின்றன என்றும் குறிப்பிட்டார். மேலும் பாதிக்கப்பட்ட மலையாள நடிகை விஷயத்தில் நடிகர் திலீப் வேறொரு நடிகையுடன் தொடர்பு வைத்திருந்ததை நடிகரின் மனைவியிடம் இவர் சொல்லிவிட்டார் என்பதால் அவரை பாலியல் சித்தரவதைக்கு ஆளாக்கும் எல்லைவரை நடிகர் திலீப் சென்றுள்ளார். திருமணம் மீறிய பந்தம் தொடரும் பட்சத்தில் அங்கே இப்படி சில மோசமான நிகழ்வுகள் நிகழ்வது தவிர்க்க முடியாதது” எனவும் கூறியுள்ளார் கங்கனா..