ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
கடந்த வருடம் மோகன்லால் நடிப்பில் வெளியான 'புலி முருகன்' படத்தை தயாரித்தவர் தோமிச்சன் முலக்குப்பாடம்.. கடந்த செப்டம்பர் மாதம் முதல் இந்த வருடம் ஜூன் மாதம் வரை அவரைப்போல சந்தோஷமான தயாரிப்பாளர் வேறு ஒருவரை பார்க்க முடிந்திருக்காது. அந்த அளவுக்கு 'புலி முருகன்' படத்தின் பிரமாண்ட வெற்றியாலும், அபரிமிதமான வசூலாலும் குஷியாக இருந்த தோமிச்சன், சூட்டோடு சூடாக நடிகர் திலீப்பை வைத்து சுமார் பதினான்கு கோடியில் 'ராம்லீலா' என்கிற படத்தை தயாரித்திருந்தார்.
அதன்பின் நடிகை விவகாரத்தில் திலீப் கைதாகி, அவரது இமேஜ் மொத்தமாக டேமேஜ் ஆனதால், இப்போதுவரை ராம்லீலா படத்தை ரிலீஸ் செய்ய முடியாமல் தவிக்கிறார் தோமிச்சன். பதினான்கு கோடி ரூபாயும் மொத்தமாக முடங்கிவிட்ட இந்தநிலையில் தான், அஜித்தின் 'விவேகம்' பட கேரள உரிமையை மிகப்பெரிய தொகை கொடுத்து கைப்பற்றியுள்ளார் தோமிச்சன். சுமார் 300க்கும் மேற்பட்ட தியேட்டர்களில் நாளை (ஆக-24) கேரளாவில் விவேகம் வெளியாகிறது.. இந்தப்படத்தின் வெற்றியும் லாபமும், 'ராம்லீலா'வால் ஏற்பட்டுள்ள காயத்திற்கு மருந்து போடும் என எதிர்பார்க்கலாம்..