Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

'விவேகம் வீடியோக்கள் ' - ஓர் பார்வை

19 ஆக, 2017 - 11:42 IST
எழுத்தின் அளவு:
Vivegam-Videos...-Small-review

ஒரு முன்னணி ஹீரோவுக்கு ரசிகர்களிடம் எப்படிப்பட்ட வரவேற்பு இருக்கிறது என்பதை முன்பெல்லாம் அவர்கள் படங்களையும் ஓடும் நாட்களையும், அவர்கள் படங்கள் வசூல் செய்யும் தொகையையும் வைத்துத்தான் சொல்வார்கள். சமூக வலைத்தளங்கள், யு டியூப் ஆகியவை மக்களிடம் அதிகம் பிரபலம் ஆன பிறகு முன்னணி ஹீரோக்களின் பிரபலமும் அவற்றை வைத்தும் கணக்கிடப்படுகிறது.

அஜித் எந்த ஒரு சமூக வலைத்தளங்களிலும் செயல்படவில்லை. அவருக்கென தனியாக எந்த ரசிகர் மன்றமும் இல்லை. ஆனாலும், அவர் நடிக்கும் படங்கள் வெளிவரும் சமயங்களில் ஒரு பரபரப்பை ஏற்படுத்தி விடுகிறார். அவருடைய படங்கள் சம்பந்தமான வீடியோக்கள், பல சாதனைகளை முறியடித்து புதிய சாதனை படைக்கின்றன.

இதற்கு முன் எப்போதும் இல்லாத அளவிற்கு அடுத்த வாரம் வெளிவர உள்ள 'விவேகம்' படம் சம்பந்தமான வீடியோக்கள் பல சாதனைகளைப் புரிந்துள்ளன. குறிப்பாக படத்தின் டீசர், டிரைலர் ஆகிய இரண்டைச் சொல்ல வேண்டும்.

'விவேகம்' டீசருக்கு இதுவரை 1 கோடியே 96 லட்சம் பார்வைகள் கிடைத்துள்ளன. இன்னும் 4 லட்சத்திற்கும் குறைவான பார்வைகள் கிடைத்தால் 2 கோடியைத் தொட்டுவிடும். டீசருக்குக் கிடைத்துள்ள லைக்குகள் மட்டும் 5 லட்சத்து 37 ஆயிரம்.

சில தினங்களுக்கு முன்பு வெளியான 'விவேகம்' டிரைருக்கு இதுவரை 77 லட்சம் பார்வைகள் கிடைத்துள்ளன. இரண்டு நாட்களுக்குள் 4 லட்சம் லைக்குகளைக் கடந்துள்ளது. குறைந்த நாளில் அவ்வளவு லைக்குகள் ஒரு டிரைலருக்குக் கிடைத்தது மிகப் பெரும் சாதனை.

'விவேகம்' படத்தின் முதல் சிங்கிள் பாடலான 'சர்வைவா..' பாடல் பெரும் வரவேற்பைப் பெற்று 1 கோடி பார்வைகளை யு டியூபில் கடந்தது. பாடலுக்கு 2 லட்சத்து 50 ஆயிரம் லைக்குகள் இதுவரை கிடைத்துள்ளன.

அதன் பின் வெளியான 'தலை விடுதலை' பாடலுக்கும் மிதமான வரவேற்பு கிடைத்தது. 47 லட்சம் பார்வைகளும் 1 லட்சத்து 59 ஆயிரம் லைக்குகளும் இதுவரை கிடைத்துள்ளன.

அடுத்து வெளிவந்த 'காதலாட..' இனிமையான மெலடி பாடலாக இருந்தும் ஓரளவிற்கே வரவேற்பைப் பெற்றது. 20 லட்சம் பார்வைகளும் 76 ஆயிரம் லைக்குகள் மட்டுமே இதுவரை கிடைத்துள்ளன.

இசை வெளியீட்டிற்குப் பின் வெளியான மற்ற லிரிக் வீடியோ பாடல்களுக்கு பெரிய அளவில் வரவேற்பில்லை. 'வெறியேற' பாடல் மட்டுமே 7 லட்சம் பார்வைகளைப் பெற்றது. மற்ற லிரிக் வீடியோக்களுக்கு எதிர்பார்த்த வரவேற்பு இல்லாதது ஆச்சரியமாக உள்ளது.

ஏகே தீம் இசை, நெவர் எவர் கிவ் அப், காதலாட பாட்டின் மறுபதிப்பு ஆகியவை மற்ற லிரிக் வீடியோக்களுடன் ஒப்பிடும் போது குறைவான பார்வைகளையே பெற்றுள்ளன.

ஏகே தீம் இசை மிகப் பெரும் வரவேற்பைப் பெறும் என்று எதிர்பார்த்தார்கள். ஆனால், அஜித்தின் முந்தைய படங்களின் தீம் மியுசிக்கை விட இந்த தீம் மியூசிக் எந்த ஒரு தாக்கத்தையும் ஏற்படுத்தவில்லை என்பதே உண்மை.

இதுவரை 'விவேகம்' தொடர்பான 10 வீடியோக்கள் யு டியூபில் வெளியிடப்பட்டுள்ளன. அவற்றின் மொத்த பார்வைகள் 5 கோடியைக் கடந்துள்ளன. மொத்த லைக்குகள் 17 லட்சத்தைக் கடந்துள்ளன.

படம் வெளிவருவதற்குள் டீசரும், டிரைலரும் மேலும் சில புதிய சாதனைகளைப் படைக்க வாய்ப்புள்ளது. படம் வெளிவந்த பின் மற்ற பாடல் வீடியோக்கள் இன்னும் அதிகமான பார்வைகளையும், லைக்குகளையும் பெறலாம்.

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் 2021 - தமிழ் சினிமாவின் பாதை மாறுமா? ; காத்திருக்கும் சவால்கள்! 2021 - தமிழ் சினிமாவின் பாதை மாறுமா? ; ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in