Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

ராப்தா தோல்வி என்னை பாதித்தது : கிர்த்தி சனோன்

18 ஆக, 2017 - 15:27 IST
எழுத்தின் அளவு:
Failure-of-Raabta-affects-me-a-lot---Kriti-Sanon

ஹீரோபன்டி, தில்வாலே, ராப்தா போன்ற படங்களில் நடித்தவர் நடிகை கிர்த்தி சனோன். இவரது நடிப்பில் இன்று(ஆகஸ்ட் 18) வெளியாகியுள்ள படம் பரேலி கி பார்பி. இப்படத்தின் புரொமோஷனில் பிஸியாக இருந்த கிர்த்தி, நமக்கு அளித்த சிறப்பு பேட்டி...

பரேலி கி பார்பி பட வாய்ப்பு எப்படி வந்தது?
தங்கல் மற்றும் நில் பட்டே சனாட்டா படங்கள் ரிலீஸாவதற்கு முன்பாக பரேலி படத்தின் கதையை நிதேஷ் திவாரி என்னிடம் தெளிவாக கூறினார். 10 - 15 நிமிடங்களிலேயே கதை பிடித்து போக உடனே சம்மதம் சொல்லிவிட்டேன். இந்த பட வாய்ப்பு வந்த போது மிகவும் மகிழ்ச்சியாக உணர்ந்தேன். அதை சொல்ல வார்த்தைகள் இல்லை. இப்போது படமும் ரிலீஸாகிவிட்டது, இன்னும் மகிழ்ச்சியாக இருக்கிறது.

கிளாமர் இல்லாமல் நடித்தது பற்றி?
கிளாமர் அல்லது கிளாமராக இல்லாமல் நடிப்பது பற்றி நான் கவலைப்படுவது கிடையாது. ஒரு நடிகைக்கு படத்தில் ஆடையும், மேக்-அப்பும் தான் அவரை கிளாமராக காண்பிக்கிறது. நிஜ வாழ்க்கையில் நான் அதிகமாக மேக்-அப் போடுவது கிடையாது. சொல்லப்போனால் இந்தப்படத்தில் சாதாரண உடையணிந்து நடித்தது, ஷூட்டிங் ஸ்பாட்டில் ஹீரோக்கள் ஆயுஸ்மான் குராணா, ராஜ்குமார் ராவ்வை விட நான் சீக்கிரம் ரெடியாக உதவியது. அதோடு இப்படி நடித்திருப்பது பிடித்திருக்கிறது.

வட மொழி எப்படி சரளமாக பேசுகிறீர்கள்.?
நான் டில்லியை சேர்ந்தவர் என்பதால் நன்றாகவே ஹிந்தி பேசுவேன். இந்தப்படத்தில் நான் முழுமையாக வட மொழியை பேசவில்லை. உடன் நடித்த ரோகித் சவுத்ரி தான் எனக்கு நிறைய இடங்களில் எப்படி பேச வேண்டும் என்று கற்றுக்கொடுத்தார். அதுமட்டுமல்ல நானும் லக்னோ எல்லாம் சென்று அங்குள்ள பெண்கள் எப்படி பேசுகிறார்கள் என்றெல்லாம் தெரிந்து கொண்டு பயிற்சி எடுத்து, என்னால் முடிந்தவரை பேசியிருக்கிறேன்.

தென்னிந்திய படங்களில் நடித்து விட்டு திடீரென பாலிவுட்டில் என்ட்ரியானது ஏன்?
தனிப்பட்ட காரணம் எதுவும் கிடையாது. என்னுடைய முதல்படம் தெலுங்கில் நென்னோகாடினே. சில நாட்கள் இந்தப்படத்தின் படப்பிடிப்பில் பங்கேற்ற நிலையில் படப்பிடிப்பு இரண்டு மாதங்கள் தள்ளிப்போனது. அந்தசமயத்தில் தான் பாலிவுட்டிலிருந்து ஹீரோபன்டி படத்தில் நடிக்க வாய்ப்பு வந்தது. 2014, ஜன.,யில் தெலுங்கு படமும், அதே ஆண்டு மே மாதம் பாலிவுட் படமும் ரிலீஸானது. ஆகையால் நான் தெலுங்கு சினிமாவை விட பாலிவுட்டிற்கு முக்கியத்துவம் கொடுத்தேன் என்று சொல்லிவிட முடியாது. நல்ல வாய்ப்புகள் வரும்போது அதை பயன்படுத்தி கொள்கிறேன், அவ்வளவுதான்.

ராப்தா தோல்வியை எப்படி எடுத்து கொண்டீர்கள்?
உண்மையை சொல்ல வேண்டுமென்றால் ராப்தா தோல்வி மனதளவில் என்னை ரொம்பவே பாதித்தது. காரணம், இந்தப்படத்திற்காக நிறைய சிரமப்பட்டு உழைத்தேன். அப்படி உழைத்த படம் தோல்வி அடையும் போது வருத்தம் இருக்கத்தானே செய்யும். அதேசமயம் தோல்வி இருந்தாலும் இந்தப்படத்தில் நிறைய விஷயங்கள் கற்றுக்கொண்டேன். குறிப்பாக முன்பை விட நடிப்பில் இன்னும் தேர்ச்சி பெற்றுள்ளேன்.

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் க்ரிஷ்- 4 : பவர்புல் வில்லனாக மாறும் ஹிருத்திக் ரோஷன் க்ரிஷ்- 4 : பவர்புல் வில்லனாக மாறும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in