இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி |
பொதுவாக தமிழ் உட்பட மற்ற மொழிப்படங்கள் மலையாளத்தில் ரீமேக் செய்யப்படுவது என்பது அரிதிலும் அரிதான நிகழ்வு.. இந்த விஷயத்தில் சமீப வருடங்களில் சமுத்திரக்கனியின் படங்கள் மட்டுமே அந்த சாதனையை செய்துள்ளன என்பது கவனிக்கத்தக்கது. சமுத்திரக்கனியின் 'நாடோடிகள்' படத்தை தொடர்ந்து, அவரது 'அப்பா' படமும் இப்போது மலையாளத்தில் 'ஆகாச மிட்டாய்' என்கிற பெயரில் ரீமேக்காகி வருகிறது..
ஜெயராம் முக்கிய வேடத்தில் நடிக்கும் இந்தப்படத்தை மலையாளத்திலும் சமுத்திரக்கனியே இயக்கி வருகிறார். சமீபத்தில் இந்தப்படத்தின் பர்ஸ்ட் லுக் மோஷன் போஸ்டரை வெளியிட்டார்கள்.. அதில் மோகன்லால் வாய்ஸ் ஒலித்தது கண்டு பலருக்கும் ஆச்சர்யம். அதை உறுதிப்படுத்தும் விதமாக இதற்கு குரல் கொடுத்ததற்காக மோகன்லாலுக்கு நன்றி தெரிவித்து ஜெயராம் வீடியோ ஒன்றையும் வெளியிட்டுள்ளார்.
இதற்கு முன், அதாவது சமுத்திரக்கனியின் 'அப்பா' படம் தமிழில் ரிலீஸாவதற்கு முன்பும் கூட, மோகன்லால் அந்தப்படத்தின் புரமோஷன் வீடியோவுக்காக தனது தந்தையை பற்றி பேசி சமுத்திரக்கனிக்கு பப்ளிசிட்டியில் கைகொடுத்திருந்தார். கடந்த வருடம் வெளியான 'ஒப்பம்' படத்தில் நடித்ததன் மூலம் மோகன்லால்-சமுத்திரக்கனியின் நட்பு இன்னும் பலமாகி இருப்பது, இப்போது சமுத்திரக்கனியின் படத்திற்கு மோகன்லால் வாய்ஸ் கொடுத்துள்ளதன் மூலம் நன்றாகவே தெரிகிறது.