‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
மலையாள சினிமாவின் தவிர்க்கமுடியாத இளம் முன்னணி நடிகராக மாறிவிட்ட துல்கர்சல்மானுக்கு இன்று பிறந்தநாள்.. மலையாளத்தில் மம்முட்டியின் மகன் என்கிற அறிமுகத்தோடு துல்கர் சல்மான் ஹீரோவாக களம் இறங்கிய, 'செகண்ட் ஷோ' படம் வெளியாகி ஐந்து ஆண்டுகள் நிறைவடைந்துவிட்டது.. இன்று அவருக்கென ஒரு மார்க்கெட் வேல்யூ உருவாகும் விதமாக இந்த ஐந்து வருடங்களுக்குள் துல்கரின் வளர்ச்சி கிடுகிடுவென உயர்ந்து விட்டது. தற்போது மலையாளத்தில் மட்டுமல்லாது தமிழ், தெலுங்கு இரண்டு மொழிகளிலும் துல்கருக்கான வரவேற்பு அதிகரித்துள்ளதும் உண்மை..
தற்போது தமிழ், தெலுங்கில் உருவாகும் சாவித்ரியின் வாழ்க்கை வரலாறான 'மகாநதி' படத்தில் ஜெமினி கணேசன் கேரக்டரில் நடிப்பதன் மூலம் நேரடியாக தெலுங்கில் முதல் அடி எடுத்து வைத்துள்ளார். அதுமட்டுமல்ல, மலையாளம், இந்தி, தமிழ் என மும்மொழிகளில் உருவாகும் 'சோலோ' என்கிற படத்திலும் நடித்து முடித்துவிட்டார். இதுதவிர நேரடி தமிழ்படம் ஒன்றிலும் நடிக்க இருக்கிறார்.
ஒரு கமர்ஷியல் ஹீரோவுக்கு உண்டான அம்சங்கள் இருந்தாலும், தான் எந்த கேரக்டரிலும், எந்த கதையிலும் பொருந்துவேன் என சொல்லும் விதமாக வித்தியாசமான படங்களாக தேர்ந்தெடுத்து நடித்து வருகிறார் துல்கர் சல்மான். தனது திரையுலக பயணத்தில் இன்னும் மிகப்பெரிய வெற்றிகளை குவிக்க துல்கருக்கு நம் பிறந்தநாள் வாழ்த்துக்களை தெரிவித்துக்கொள்வோம்.