‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
மலையாள சினிமாவின் இளம் நடிகர் தான் உன்னி முகுந்தன்... சிக்ஸ் பேக் எல்லாம் வைத்து கட்டுமஸ்தான உடலுடன் அசத்தியவர். தமிழில் தனுஷுடன் சீடன் படத்தில் நடித்தார். தற்போது தெலுங்கில் உருவாகியுள்ள 'பாக்மதி' என்கிற சரித்திர படத்தில் அனுஷ்காவுக்கு ஜோடியாக நடித்து வருகிறார். அதோடு, மலையாளத்தில் உருவாகியுள்ள 'கிளிண்ட்' என்கிற கதையம்சம் கொண்ட படத்திற்காக செய்துள்ள காரியம் தான் அனைவரையும் ஆச்சர்யப்படுத்தி உள்ளது. ஆம்.. 35 முதல் 70 வயது வரையிலான தோற்றங்களில் இந்தப்படத்தில் நடித்துள்ளார் உன்னி முகுந்தன்.
முகுந்தனும் ரீமா கல்லிங்கலும் இணைந்து நடித்துள்ள இந்தப்படத்தை ஹரிகுமார் என்பவர் இயக்கியுள்ளார். சலீம்குமார், ரெஞ்சி பணிக்கர், ஜாய் மேத்யூ ஆகியோர் முக்கிய வேடங்களில் நடிக்கிறார்கள். இதில் கிளிண்ட் ஆக நடிக்கும் சிறுவனின் அப்பா, அம்மாவாக உன்னி முகுந்தனும் ரீமா கல்லிங்கலும் நடித்துள்ளனர்.
70 வயது மெலிந்த, தளர்ந்த தோற்றத்தை தனது உடலில் கொண்டு வருவதற்காக சுகர் ப்ரீ டயட்டை மேற்கொண்டாராம் உன்னி முகுந்தன். சில வாரங்கள் இதே டயட்டை தொடர்ந்ததால் உன்னி முகுந்தனுக்கு கொஞ்சம் உடல்நிலையும் பாதிக்கப்பட்டதாம். ஆனால் அதுவே அந்த வயதான கேரக்டருக்கு பிளஸ் ஆகவும் அமைந்துவிட்டதாம்.
சில நாட்களுக்கு முன் கொச்சியில் நடைபெற்ற இந்தப்படத்தின் இசைவெளியீட்டு விழாவில், இசைஞானி இளையராஜா கலந்துகொண்டு இசையை வெளியிட்டார் என்பது குறிப்பிடத்தக்கது.