Dinamalar

படத்தின் தோல்வியால் கண்ணீர் விட்டு அழுதேன் : டைகர் ஷெரப்

பிளையிங் ஜாட் படத்தின் தோல்விக்கு பிறகு டைகர் ஷெரப் நடிப்பில் அடுத்து வெளியாக உள்ள படம் "முன்னா மைக்கேல்". நடனத்தை மையமாக வைத்து உருவாக உள்ள இப்படத்தில் நடித்த அனுபவம் பற்றியும், தனது சினிமா பயணம் குறித்தும் நம்மோடு அவர் மனம் திறந்தார். அதன் விபரம் வருமாறு...

முன்னா மைக்கேலுக்கும், மைக்கேல் ஜாக்சனுக்கும் ஏதும் தொடர்பு உள்ளதா?
படத்தின் பெயர் வேண்டுமானாலும் அப்படி ஒற்றுமையாக இருக்கலாம். மற்றபடி, படத்திற்கும், மைக்கேல் ஜாக்சனுக்கும் எந்த சம்பந்தமும் கிடையாது. படத்தில் மைக்கேல் ஜாக்சனுக்கு சின்ன மரியாதை செய்திருக்கிறோம். எனது பெயர் முன்னா, நான் மைக்கேல் ஜாக்சனின் தீவிர ரசிகன், அவ்வளவு தான். நிஜ வாழ்க்கையிலும் நான் மைக்கேல் ஜாக்சனின் தீவிர ரசிகன்.

தற்காப்பு கலை நடனத்திற்கு உதவுமா?
உண்மை தான். தற்காப்பு கலை தான் என்னை நடனத்திலும் சிறப்பாக விளங்க செய்தது. நான் இன்றைக்கு இந்தளவு நடனமாடுகிறேன் என்றால் அதற்கு தற்காப்பு கலையும் முக்கிய காரணம். தற்காப்பு கலையும், நடனம் போன்று அசைவுகள் வருவதால் அப்படி தோன்றும். ஆனால் இரண்டுக்கும் நிறைய வித்தியாசம் உள்ளது.

இயக்குநர் சாபீர் கானுடன் மூன்றாவது முறையாக பணியாற்றுவது பற்றி?
முன்னா மைக்கேல் படத்தையும் சேர்த்து சாபீர் கானுடன் மூன்றாவது படம். எங்கள் இருவருக்குள்ளும் நல்ல புரிதல் உள்ளது. அவரிடமிருந்து தான் நிறைய விஷயங்களை கற்று கொண்டேன். ஹீரோபன்டி படத்தின் போது ஒரு ஆசிரியராகவும், பாகி படத்தின் போது ஒரு நண்பராக இருந்தவர், இப்போது முன்னா மைக்கேல் படத்தின் மூலம் எங்கள் குடும்பத்தில் ஒருவராகிவிட்டார். என்னைப்பற்றியும், எனது திறமைகள் பற்றியும் நன்கு அறிந்தவர், எதிர்காலத்தில் அவருடன் இன்னும் பல படங்களில் இணைந்து பணியாற்றுவேன்.

தோல்வியை எப்படி எடுத்து கொள்வீர்கள்?
பிளையிங் ஜாட் படம் பாக்ஸ் ஆபிஸில் தோல்வி அடைந்தது. இந்த தோல்வி எனக்குள் நிறைய பாதிப்பை ஏற்படுத்தியது. நான் மிகுந்த மன உளைச்சலுக்கு கூட ஆளானேன். எனக்கு மட்டும் ஏன் இப்படி நடக்கிறது என்று சில இரவுகள் அழுதுள்ளேன். என் உழைப்பு மீது அதிக ஆர்வத்துடனும், கவனமுடன் இருப்பேன். கடந்தாண்டு பாகி படம் வெற்றி பெற்றது, ஆகையால் பிளையிங் ஜாட் படமும் பாக்ஸில் வெற்றி பெறும் என்று நினைத்தேன், ஆனால் அப்படி நடக்காதது ஏமாற்றம் தான்.

இயக்குநருக்கு நீங்கள் அறிவுரை சொல்வீர்களா?
நான் இயக்குநர்களின் நடிகன், என் திறமைகளை பற்றி இயக்குநர்கள் நன்கு அறிந்து என்னிடம் வேலை வாங்கி கொள்வார்கள். ஆகையால் நான் அறிவுரை சொல்ல அவசியம் இருக்காது.

சல்மானுக்கு பிறகு உங்களையும் குழந்தைகளுக்கு அதிகம் பிடிப்பதன் காரணம் என்ன?
குழந்தைகளுக்கு என்னை ஏன் பிடிக்கிறது என்று தெரியவில்லை. ஒருவேளை எனது நடனமோ அல்லது ஆக்ஷ்னோ கவர்ந்திருக்கலாம். என்னுடைய முதல்படமான ஹீரோபன்டி முதல் குழந்தைகள் என்னை விரும்புகிறார்கள். ஆகையால் தான் குழந்தைகளுக்காக பிளையிங் ஜாட் படத்தில் நடித்தேன். இந்த நாடே சல்மான் கானை விரும்புகிறது, அவருக்கு முன்னால் நான் ஒன்றுமே கிடையாது.

நன்றி என்று விடைபெற்றார் டைகர்.

• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்
• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்
• 
  மே 1ம் தேதி முதல் மாற்றம் : ராகவா லாரன்ஸ்

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...