‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு |
கௌதம் மேனன் தயாரிப்பு, இயக்கத்தில் விக்ரம், ரித்து வர்மா, ஐஸ்வர்யா ராஜேஷ் மற்றும் பலர் நடிக்கும் 'துருவ நட்சத்திரம்' படம் ஜனவரி மாதம் ஆரம்பமானது. படத்தின் சில காட்சிகளையும், டீசருக்காக சில காட்சிகளையும் படமாக்கினார்கள். பொங்கல் சமயத்தில் முதல் டீசரையும், தமிழ்ப் புத்தாண்டு சமயத்தில் இரண்டாவது டீசரையும் வெளியிட்டார்கள்.
அதற்குள்ளாகவே கௌதம் மேனனுக்கு ஏற்பட்ட பணப் பிரச்சனையால் இந்தப் படம் தொடர்வது சந்தேகம் என்றும் செய்திகள் வெளியாகின. ஆனால், அதைப் படக்குழுவினர் மறுத்திருந்தார்கள். இந்தப் படத்திற்கு முன்பாகவே விக்ரம் 'ஸ்கெட்ச்' படத்தில் நடிக்க தேதிகளைக் கொடுத்துவிட்டதாகவும். அந்தப் படத்தின் படப்பிடிப்பு முடிந்த பிறகே மீண்டும் 'துருவ நட்சத்திரம்' படம் ஆரம்பமாகும் என்றார்கள்.
விக்ரம் 'ஸ்கெட்ச்' படத்தின் படப்பிடிப்பைத் தற்போது முடித்துக் கொடுத்துவிட்டதால் மீண்டும் 'துருவ நட்சத்திரம்' படம் ஆரம்பமாக உள்ளது. அடுத்த சில நாட்களில் இப்படத்தின் படப்பிடிப்பு ஸ்லோவேனியா நாட்டில் நடக்க உள்ளது. அங்கு தொடர்ந்து சில வாரங்கள் படப்பிடிப்பை நடத்த திட்டட்டுள்ளார்களாம்.
கௌதம் மேனன் இதற்கு முன் தயாரித்து இயக்கிய 'எனை நோக்கி பாயும் தோட்டா' படம் எப்போது வெளிவரும் என்று தெரியாத நிலையில், அவர் இப்போது மீண்டும் 'துருவ நட்சத்திரம்' வேலைகளில் இறங்கிவிட்டார். அதோடு 'துருவங்கள் 16' கார்த்திக் நரேன் இயக்கத்தில் 'நரகாசூரன்' படத்தையும் தயாரிக்க ஆரம்பித்துவிட்டார்.
எனவே தனுஷ் ரசிகர்கள் 'எனை நோக்கி பாயும் தோட்டா' வை ரசிப்பதற்கு மேலும் சில காலம் காத்திருக்க வேண்டும் என்றுதான் தெரிகிறது.