தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கெட்டப் மாற்றி நடிக்கும் விஷயத்தில் மலையாள சினிமாவின் கமல் என நடிகர் திலீப்பை தாராளமாக குறிப்பிடலாம். என்னதான் காமெடி கதைகளில் ஜனரஞ்சகமாக நடித்து வந்தாலும் கூட, பரிசோதனை முயற்சியாக படம் முழுக்க தோற்றத்தை மாற்றி நடிக்க வேண்டி இருந்தால் அதற்கும் திலீப் தயங்குவது இல்லை. அப்படி அவர் தன்னை நிரூபித்த படங்கள் நிறைய உண்டு. சாந்துப்பொட்டு படத்தில் பெண் தன்மை கொண்ட ஆணாக, குஞ்சுக்கூனன் படத்தில் கூன் விழுந்த முதுகுடன், பச்சகுதிர, சவுன்ட் தோமா படத்தில் மேலண்ணம் குறைபாடு கொண்டவராக நடித்துள்ளார்.
அவ்வளவு ஏன் மாயமோகினி படத்தில் முக்கால்வாசி நேரம் பெண் வேடம் என படத்துக்குப்படம் விதவிதமான கெட்டப்புகளில் நடித்துள்ள திலீப் தற்போது 'கம்மார சம்பவம்' படத்தில் கூட 90 வயது கிழவராக நடித்து வருகிறார். இதையெல்லாம் தாண்டி, தனது நண்பர் நாதிர்ஷா இயக்கம் புதிய படத்தில் இவர் 'அப்பு' கமல் போல குள்ள மனிதராக நடிக்க இருக்கிறார் என சொல்லப்படுகிறது. இது மம்முட்டிக்காக முதலில் உருவாக்கப்பட்ட கதை என்பது குறிப்பிடத்தக்கது.