Dinamalar

துக்ஸ் ஆப் இந்தோஸ்தான் காப்பி இல்லை : அமிர்கான்

தங்கல் படத்தின் பிரம்மாண்ட வெற்றிக்கு பிறகு துக்ஸ் ஆப் இந்தோஸ்தான் என்ற படத்தில் நடித்து வருகிறார். விஜய் கிருஷ்ணா ஆச்சார்யா இயக்கும் இப்படத்தை ஆதித்யா சோப்ரா தயாரிக்கிறார். ஜூன் முதல் தேதியிலிருந்து இப்படத்தின் சூட்டிங் துவங்க உள்ளது. அடுத்த ஆண்டு தீபாவளியன்று இப்படம் ரிலீஸ் செய்யப்பட உள்ளது.

இந்நிலையில், தங்கல் தங்கல் பாத் சாலி ஹை என்ற விவாத நிகழ்ச்சியில் நடிகர் அமிர்கான் கலந்து கொண்டார். அப்போது பேசிய அமிர்கான், தான் அடுத்து நடிக்கும் துக்ஸ் ஆப் இந்தோஸ்தான் படம் ஹாலிவுட் படங்களான பைரேட்ஸ் ஆப் கரீபியன் மற்றும் இண்டியானா ஜோன்ஸ் ஆகியவற்றில் தழுவல் என வெளியான வதந்திகளை திட்டவட்டமாக மறுத்தார்.

இது குறித்து அமிர்கான் கூறுகையில், துக்ஸ் ஆப் இந்தோஸ்தான் எந்த படத்தின் தழுவல் கதையும் இல்லை. இது ஆக்ஷன் கலந்த சாகச படமாக இருக்கலாம். ஆனால் இப்படத்தின் கதை எந்த படத்தின் கதையுடன் ஒத்துப் போகக் கூடியது அல்ல. ஆயிரக்கணக்கான ஆக்ஷன் படங்கள் வந்துள்ளன. அவற்றில் பைரேட்ஸ் ஆப் கரீபியன், இண்டியானா ஜோன்ஸ் உள்ளிட்ட படங்களும் ஒன்று.இவைகளும் ஆக்ஷன் படங்கள் தான்.

இந்த படங்களுக்கும் எனது படத்திற்கும் உள்ள ஒற்றுமை, ஆக்ஷன் படம் என்பது மட்டுமே. ஆனால் கதை வேறுபட்டது. இப்படத்தில் எனது கேரக்டரும் வேறு எந்த கேரக்டருடனும் ஒத்து போகக் கூடியது இல்லை என தெரிவித்துள்ளார்.

• 
  மோகன்லாலுடன் 56வது முறையாக ஜோடி சேரும் ஷோபனா
• 
  'பிரேமலு 2' அறிவிப்பு : 2025ல் வெளியாகும்…
• 
  'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி
• 
  ஓட்டு கூட போடாத திரைப்பிரபலங்கள்...!
• 
  விஜய்யைக் காப்பியடிக்கும் விஷால் : ரசிகர்கள் கிண்டல்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...