Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

என் டுவீட்டை புரிய யாரும் மூளையை பயன்படுத்துவதில்லை - ராம் கோபால் வர்மா

11 மே, 2017 - 16:22 IST
எழுத்தின் அளவு:
Nobody-can-use-their-brain-to-understand-my-tweets---Ram-Gopal-Varma

பாலிவுட் மற்றும் டோலிவுட்டில் பிரபலமான இயக்குநர் ராம் கோபால் வர்மா. படங்களை விட டுவிட்டரில் விமர்சனம் என்ற பெயரில் இவர் கிளப்பும் சர்ச்சை தான் மிகவும் பிரபலம். தற்போது இவர், அமிதாப் பச்சனை வைத்து சர்கார்-3 படத்தை இயக்கியுள்ளார். இந்தவாரம் வெளியாக உள்ள சர்கார் 3 பற்றியும், தன்னைப்பற்றியும் அவர் அளித்த சுவாரஸ்ய பேட்டி இதோ...


சர்கார்-3யில் என்ன சொல்ல போகிறீர்கள்.?


நான் எப்போதும் யதார்த்தமான படங்களை தான் எடுப்பேன், அதனால் தான் என்னுடைய படங்களுக்கு ரசிகர்களிடம் எதிர்பார்ப்பு உள்ளது. சர்கார் 3 படமும் ஒரு யதார்த்தமான படம் தான். முந்தைய இரண்டு பாகங்களும் அமிதாப்பின் சுபாஷின் கேரக்டரை மையமாக வைத்து தான் உருவாகி இருந்தது. அதேப்போல் தான் சர்கார் 3 படத்தின் கதையும் அமிதாப் பச்சனை சுற்றி தான் நகரும்.


சர்கார் 3 படம் பால் தாக்ரே மற்றும் அவரது பேரன் ஆதித்யா தாக்ரேயின் கதையா.?


இல்லை, முற்றிலும் தவறான தகவல். சர்கார் 3 படத்திற்கும் பால்தாக்ரே குடும்பம் மற்றும் சிவசேனா கட்சி உள்ளிட்ட எதற்கும் சம்பந்தம் கிடையாது. அதேப்போல் மகாராஷ்டிரா மாநிலத்தின் அரசியலை பற்றியும் பேசவில்லை.


சர்கார்-3யில் யாமி கவுதமை தேர்வு செய்தது ஏன்.?


என் கதைக்கு என்ன தேவையோ அதை பொறுத்தான் நடிகர், நடிகையரை தேர்வு செய்வேன். பேர் அண்ட் லவ்லி விளம்பரத்தில் தான் யாமியை பார்த்தேன், அவ்வளவு அழகாக இருந்தார். ஒரு அப்பாவி பெண் போன்ற தோற்றம் அவரது முகத்தில் தெரிந்தது. ரசிகர்களுக்கும் அப்படி ஒரு பெண்ணை தான் காண்பிக்க நினைத்தேன். ஆகையால் அவரை தேர்வு செய்தேன்.


எப்போதுமே ஏதாவது சர்ச்சையான டுவீட் செய்வது ஏன்.?


சிரிக்கிறார்...! எனக்கு அப்படி டுவீட் செய்ய பிடித்திருக்கிறது, என்னை எல்லோரும் கவனிக்க வேண்டும் என்று விரும்புவேன். உண்மையை சொல்ல வேண்டும் என்றால் யாரும் என்னுடைய டுவீட்டை புரிந்து கொள்வது கிடையாது, யாரும் அவர்களது மூளையை பயன்படுத்துவது கிடையாது. இல்லை என்னையாவது தொடர்பு கொண்டு என்ன... ஏது...? நான் என்ன சொல்ல வருகிறேன் என்று கேட்பது கிடையாது.


அமிதாப் பச்சன் உடன் நிறைய படங்களில் பணியாற்றிவிட்டீர்கள், அவரது மகன் அபிஷேக் பற்றி சொல்லுங்க.?


அபிஷேக் நல்ல திறமையான நடிகர். அவர் பிக் பி என சொல்லப்படும் அமிதாப்பின் மகன் என்பதால் ரசிகர்கள் அவரிடத்தில் நிறைய எதிர்பார்க்கிறார்கள். என்னை பொறுத்தமட்டில் அவர் யதார்த்தமான படங்களில் தான் நடிக்க வேண்டும், அது தான் அவருக்கு சரி வரும், ரசிகர்களும் அதை தான் விரும்புவார்கள். உதாரணத்திற்கு அவர் நடித்த சர்கார், யுவா, குரு போன்ற படங்கள் எல்லாம் யதார்த்த படங்கள், அதனால் தான் அந்த படங்களும் பாக்ஸ் ஆபிஸில் ஹிட்டாகின.


உங்கள் வாழ்க்கையை யாராவது படமாக்க விரும்பினால் நீங்கள் எதிர்ப்பீர்களா..?


நிச்சயமாக நான் எதிர்க்க மாட்டேன். என் வாழ்க்கையை யாரும் படமாக்க விரும்பமாட்டார்கள். அப்படியே யாராவது படமாக்க முன்வந்தால், இந்த உலகத்தில் என்னைப்போன்று மற்றுமொரு முட்டாள் இருக்கிறான் என்று நினைப்பேன்.


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் க்ரிஷ்- 4 : பவர்புல் வில்லனாக மாறும் ஹிருத்திக் ரோஷன் க்ரிஷ்- 4 : பவர்புல் வில்லனாக மாறும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in