தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் | ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்! | 'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர் | மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி | வேற்றுக்கிரக மனிதரய்யா நீங்கள் : பஹத் பாசிலுக்கு விக்னேஷ் சிவன் புகழாரம் | இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி |
'பாகுபலி 2' படத்தின் தமிழ்நாடு வெளியீடு நேற்று வரை கடும் சிக்கலை சந்தித்திருக்கிறது. படம் வெளிவர இன்னும் சில நாட்களே இருக்கும் நிலையில் படம் தமிழ்நாட்டில் வெளியாகுமா, ஆகாதா என்ற சந்தேகம் திரையுலகத்தில் பலருக்கும் எழுந்தது. அதற்குக் காரணம் 'பைரவா' படத்தின் தோல்விதான் என்ற தகவல் வெளியானதிலிருந்து விஜய்யை சமூக வலைத்தளங்களில் கடுமையாக விமர்சித்து வருகிறார்கள்.
'பாகுபலி'யையே மிரள வைத்த 'பைரவா' என்ற ரீதியில் பல மீம்ஸ்கள் சமூக வலைத்தளங்களில் வைரலாகப் பரவிக் கொண்டிருக்கின்றன. 'பைரவா' படத்தை ஸ்ரீகிரீன் புரொடக்ஷன்ஸ் நிறுவனம் தமிழ்நாட்டு உரிமையை வாங்கி வெளியிட்டது. அந்தப்படம் ஏற்படுத்திய நஷ்டம், ஜெயம் ரவி, அரவிந்த்சாமி, ஹன்சிகா நடித்த 'போகன்' படம் ஏற்படுத்திய நஷ்டம், சிபிராஜ் நடித்த 'கட்டப்பாவ காணோம்' படம் ஏற்படுத்திய நஷ்டம் என ஸ்ரீகிரீன் வாங்கி வெளியிட்ட படங்கள் அவர்களுக்கு நஷ்டத்தைக் கொடுத்ததால் 'பாகுபலி 2' படத்தின் தமிழ்நாட்டு உரிமையை 47 கோடி கொடுத்து வாங்கியதில் சுமார் 17 கோடி ரூபாய் வரை பாக்கி வைத்துள்ளார்கள்.
மீதி 17 கோடி ரூபாயைத் தர முடியாத நிலையில், ஏற்கெனவே 'பாகுபலி 2' படத்தை வெளியிட வினியோகஸ்தர்களிடம் ஒப்பந்தம் போட்டிருக்கிறார்கள். அந்த ஒப்பந்தத்தை ரத்து செய்ய வேண்டுமென்றால் வாங்கிய முன்பணத்தைத் திருப்பி கொடுக்க வேண்டும். அதுவும் முடியாத நிலையில் தற்போது படத்தின் தமிழ்நாட்டு உரிமையை முதலில் வாங்கிய கே புரொடக்ஷன்ஸ் நிறுவனமே திரும்ப வாங்கி வெளியிட ஏற்பாடுகள் நடந்து வருகிறது. எப்படியும் பிரச்சனை சுமூகமாக முடிந்துவிடும் என்கிறார்கள்.
'பாகுபலி 2' படத்தின் இந்த சிக்கலுக்கு காரணமே 'பைரவா' படத்தின் அதிகப்படியான நஷ்டம் என 'விஜய் ஹேட்டர்கள்' சமூக வலைத்தளங்களில் மீம்ஸ்களை தெறிக்கவிட்டுக் கொண்டிருக்கிறார்கள்.