ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
நடந்த செயலுக்கு வருத்தம் தெரிவிக்கும் ஆட்களை பார்த்திருக்கிறோம். ஆனால் அட்வான்ஸாக மன்னிப்பு கேட்கும் ஆட்களை பார்த்திருக்கிறீர்களா..? வேறெங்கும் போக வேண்டாம்.. நம்ம வெள்ளாவி பொண்ணு டாப்ஸியே அதற்கு சிறந்த உதாரணம். நாம் சொல்ல வரும் விஷயம் டாப்ஸி நடித்துள்ள 'நாம் ஷபானா' படத்தை பற்றியது, பாலிவுட்டில் உருவாகியுள்ள இந்தப்படத்தில் உளவுத்துறை சீக்ரெட் ஏஜெண்டாக நடித்துள்ளார் டாப்ஸி. இந்தப்படத்தில் மனோஜ் பாஜ்பாயி, டேனி டென்சொங்பா ஆகியோர் நடித்து இருந்தாலும் கூட படத்தின் பிரதான வில்லனாக நடித்திருப்பவர் நடிகர் பிருத்விராஜ் தான்.
இவர் இன்டர்நேஷனல் கிரிமினல் டோனி என்கிற கேரக்டரில் நடித்துள்ளார். டாப்ஸியின் முக்கிய வேலையே பிருத்விராஜை தேடிக்கண்டுபிடித்து, அவர் தரும் டார்ச்சர்களை தாங்கி, அவரது கேரக்டருக்கு ஒரு முடிவை கொண்டு வருவது தான். இதனால் பிருத்விராஜை டாப்ஸி திட்டுவது போலவும், அவருடன் சண்டை போடுவது போலவும் காட்சிகள் படமாக்கப்பட்டுள்ளன.
இதுகுறித்து கூறியுள்ள டாப்ஸி, “பிருத்விராஜ் ரசிகர்களே.. படம் பார்த்தபின் தயவு செய்து என்னை கொல்வதற்காக தேடாதீர்கள்” என முன்கூட்டியே மன்னிப்பு கேட்கும் விதமாக தெரிவித்துள்ளார். இதற்கு பதிலளித்துள்ள பிருத்விராஜ், “கவலைப்படாதே.. டோனியாலேயே உன்னை கொல்ல முடியவில்லை எனும்போது வேறு யாராலும் முடியாது” என தமாஷாக குறிப்பிட்டுள்ளார்.